Daniel 3:30 - Marahay na Bareta Biblia

³⁰ Dangan tinawan kan hade si Sadrak, si Mesak, asin si Abednego nin mas halangkaw na katongdan sa probinsya nin Babilon.

Daniel 3:30 ပူးပေါင်းရင်းမြစ်များ

Salmo 1:3

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Salmo 91:14

“Ililigtas ko siya, huli ta ako saiyang namomotan,” olay nin Kagurangnan. “Aatamanon ko siya, huli ta aram niya an sakong ngaran.

Daniel 1:7

An mga ini tinawan nin bagong ngaran kan pangenot na opisyal: si Daniel inapod Beltesazzar; si Hananias, Sadrak; si Misael, Mesak; asin si Azarias, Abednego.

Daniel 2:49

Sa pakiolay ni Daniel, si Sadrak, Mesak, asin Abednego ginibo kan hade na mamahala kan palakaw kan probinsya nin Babilon; alagad nagdanay si Daniel sa palasyo.

Daniel 3:1

Nagpagibo si Hadeng Nebukadnezzar nin sarong estatwang bulawan, na beynte y syete metros an langkaw asin maabot sa tolong metros an lakbang. Ipinabugtak niya ini sa kapatagan nin Dura sa probinsya nin Babilon.

Daniel 3:12

Igwa nin nagkapirang Judio na saimong ibinugtak na mamahala kan probinsya nin Babilon—si Sadrak, si Mesak, asin si Abednego—na dai nagkukuyog kan saimong pagboot. Dai sinda nagsasamba kan saimong dios asin dai nagduduko sa atubang kan estatwang pinatindog mo.”

Juan 12:26

An boot maglingkod sako dapat magsunod sako, tanganing kun saen ako, duman man an naglilingkod sako. Oomawon kan Ama ko an siisay man na naglilingkod sako.”

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.