Daniel 3:28 - Marahay na Bareta Biblia

²⁸ Nagsabi an hade, “Pag-omawon an Dios ni Sadrak, Mesak, asin ni Abednego! Sinugo niya an saiyang anghel asin ilinigtas an mga lalaking ini na naglilingkod saka nagsasarig sa saiya. Linapas ninda an sakong pagboot asin ibinugtak sa pag-alaman an saindang buhay ki sa magduko asin magsamba sa arin man na dios pwera sa Dios ninda.

Daniel 3:28 ပူးပေါင်းရင်းမြစ်များ

Genesis 9:26

Pag-omawon an Kagurangnan, an Dios ni Sem! Si Canaan magigin oripon ni Sem.

1 Mga Cronica 5:20

Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

Esdras 1:3

Ibahan logod kamo nin Dios, kamo gabos na saiyang banwaan. Magduman kamo sa Jerusalem asin hirahayon nindo an Templo nin Kagurangnan, an Dios nin Israel, na sinasamba sa Jerusalem.

Esdras 6:11

Ipinagboboot ko man na an siisay man na magsalungat sa pagboot na ini, sarong kahabaan na kahoy an tatangkason hale sa saiyang harong, papanasan an sarong poro kan kahoy na iyan dangan itutusok sa saiyang hawak. An saiyang harong gigibohon na sarong tambakan nin ati.

Salmo 103:20

Mag-omaw kamo sa Kagurangnan, kamong makosog asin mapangyaring mga anghel, na nag-ootob kan saiyang mga kabotan, na naghihinanyog kan saiyang mga itinaram.

Salmo 147:11

kundi nawiwilihan nin Kagurangnan an mga may pagkatakot saiya, an mga minasarig sa danay niyang pagkamoot.

Salmo 33:18

Binabantayan nin Kagurangnan an mga natatakot saiya, an mga naglalaom sa danay niyang pagkamoot.

Salmo 33:21

Naoogma kami huli saiya; nananarig kami sa banal niyang ngaran.

Salmo 34:22

Tutuboson nin Kagurangnan an saiyang banwaan; an mga minapaili saiya dai papadusahan.

Salmo 62:8

Sa gabos na panahon, magsarig kamo sa Dios, O sakong banwaan. Isabi nindo saiya an gabos nindong kasakitan, huli ta siya an satong pailihan.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 3:25

Naghapot an hade, “Tadaw ta apat na lalaki an nahihiling kong naglalakaw sa kalayo? Dai sinda nakagapos asin mayo sinda nin tanda na nakukulogan—dangan an ikaapat nakakaagid sa sarong anghel.”

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 6:16

Kaya nagboot an hade na dakopon si Daniel asin ihulog sa kalot na pano nin leon. Sinabihan kan hade si Daniel, “Iligtas ka logod kan saimong Dios, na maimbod mong pinaglilingkodan.”

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Mga Gibo 4:19

Alagad sinimbag sinda ni Pedro saka ni Juan, “Kamo an maghukom kun arin an tama sa atubang nin Dios: an pagkuyog saindo o an pagkuyog sa Dios?

Mga Gibo 5:19

Alagad kan bangging idto, binuksan kan anghel nin Kagurangnan an pintoan kan bilanggoan, ilinuwas sinda dangan sinabihan,

Roma 12:1

Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

1 Corinto 13:3

Maski ipanao ko pa an gabos kong sadiri, o ihunod ko an sadiri kong hawak tanganing suloon—alagad kun mayo ako nin pagkamoot, mayo akong pakinabang.

Filipos 1:20

An minamawot ko asin linalaom iyo na dai nanggad ako magkulang sa sakong katongdan kundi magin maisog sa gabos na oras, orog na ngunyan, tanganing an bilog kong pagkatawo, sa buhay o sa kagadanan, makatao nin kaomawan ki Cristo.

Hebreyo 1:14

Kun siring, ano an mga anghel? Sinda an mga espiritung naglilingkod sa Dios; sinusugo niya sindang magtabang sa mga mag-aako nin kaligtasan.

Hebreyo 11:37

Ginapo sinda, binaak nin lagadi an saindang hawak, o ginadan sa espada. May naglagaw-lagaw na nakagubing kan anit nin karnero saka kanding—dukha, pinasakitan, saka inapi.

1 Pedro 1:21

Huli saiya nagtutubod kamo sa Dios, na iyo an nagbuhay liwat saiya asin nagtao saiya nin kamurawayan, tanganing magtubod kamo saka maglaom sa Dios.

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.