Daniel 3:27 - Marahay na Bareta Biblia

²⁷ Pinagtiriponan sinda kan gabos na prinsipe, gobernador, bise-gobernador, asin kan iba pang opisyal kan hade. Nahiling nindang daing kapangyarihan an kalayo sa hawak kan tolong lalaki; dai nasulo an saindang buhok saka gubing asin mayo nin parong nin kalayo na naghahale sa sainda.

Daniel 3:27 ပူးပေါင်းရင်းမြစ်များ

1 Mga Hade 13:28

naghale an gurang na propeta. Nakua niya an bangkay sa tahaw kan dalan. Nakatindog sa kataed kan bangkay an asno saka an leon. Dai kinakan kan leon an bangkay asin dai man sinalakay an asno.

2 Mga Hade 19:19

O Kagurangnan na samong Dios, nakikimaherak ako, iligtas mo kami sa mga taga Asiria, tanganing maaraman kan mga nasyon sa kinaban na ika sana, O Kagurangnan, an Dios.”

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Daniel 3:21

Kaya ginapos ninda an tolong lalaki na nakasulot pa kan saindang gubing, abito, kalo, asin iba pang gubing, dangan itinapok sa laog kan nagkakalayong horno.

Daniel 6:23

Naogma nin marahay an hade asin nagboot na hawason si Daniel sa kalot. Kaya hinawas ninda si Daniel asin nahiling nindang dai man lamang siya nalugadan, huli ta nagsarig siya sa Dios.

Daniel 6:7

Kami gabos na nagpapadalagan kan saimong imperyo—mga parapamahala, mga gobernador, mga bise-gobernador, asin iba pang mga opisyal—nagkasararo na an Mahal na Hade magpaluwas nin pagboot dangan ipaotob iyan. Magboot ka na sa laog nin treyntang aldaw dai itinutugot sa kiisay man na maghagad nin anoman sa arin man na dios o tawo kundi sa saimo sana. An siisay man na maglapas kan pagboot na ini ihuhulog sa kalot na pano nin mga leon.

Mateo 10:30

Dawa an buhok sa payo nindo, bilang niya.

Mga Gibo 26:26

Aram ni Hadeng Agripa an mga bagay na ini, kaya nangangahas akong magtaram saiya nin siring. Bilog an paniwala ko na naiisihan niya an gabos na ini huli ta ini dai nangyari sa sarong hilom na lugar.

Mga Gibo 27:34

Kaya magkakan kamo; kaipuhan nindo iyan nganing kumosog kamo, huli ta mayong mapapahamak saindo.”

Hebreyo 11:34

sinigbo ninda an naglalaad na kalayo, patin nadulagan ninda an kagadanan sa espada. Mga maluya sinda, alagad nagin mga makosog; mapangyari sinda sa ralaban saka nadaog ninda an mga hukbo kan mga dayuhan.