Daniel 3:26 - Marahay na Bareta Biblia

²⁶ Kaya nagdolok sa harani kan pintoan kan nagkakalayong horno si Nebukadnezzar dangan nagkurahaw, “Sadrak! Mesak! Abednego! Mga sorogoon kan Kahorohalangkaweng Dios! Luwas kamo!” Kaya nagruluwas tolos an mga inapod.

Daniel 3:26 ပူးပေါင်းရင်းမြစ်များ

Genesis 14:18

Si Melkizedek, na hade kan Salem asin padi kan Kahorohalangkaweng Dios, nagdara nin tinapay asin arak ki Abram.

1 Mga Hade 8:51

Sadiri mo an banwaan na ini na ilinuwas mo sa Egipto, idtong nagbabagang horno.

Esdras 5:11

“Ini an simbag ninda samo, ‘Kami an mga sorogoon kan Dios nin langit asin daga, asin itinutugdok giraray nyamo an Templo na dating itinugdok saka sinamnohan kaidto kan sarong dakulang hade nin Israel.

Salmo 66:12

Pinatimaktimakan mo kami sa samong mga kaiwal; nag-agi kami sa kalayo asin baha, alagad ngunyan dinara mo kami sa sarong kahiwasan.

Isaias 28:16

Iyo ini ngunyan an sinasabi nin Kagurangnan Dios: “Mabugtak ako sa Sion nin sarong pundasyon na pusog saka makosog. Diyan ko ibubugtak an gapong patugmadan na nasusuratan kan mga tataramon, ‘An pagtubod na pusog matinios man.’

Isaias 52:12

Ngunyan mahale kamo na dai naghihidali, dai kamo malakaw na garo nagdudulag. An Kagurangnan na saindong Dios an mangengenot saindo asin maataman saindo.

Jeremias 11:4

Iyo ini an tipan na ginibo ko sa saindang mga ginikanan kan iluwas ko sinda sa Egipto, an daga na garo sarong nagkakalayong horno sa sainda. Tinaraman ko sinda na kuyogon ninda ako saka gibohon an gabos na pagboot ko. Nagtaram pa ako na kun magkuyog sinda, magigin banwaan ko sinda asin ako an magigin Dios ninda.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 3:17

Kun an Dios na samuyang pinaglilingkodan makakaligtas samo sa nagkakalayong horno asin sa saimong kapangyarihan, ililigtas niya kami.

Daniel 4:2

Pinagmarahay kong ipaaram an mga tanda saka ngangalasan na ipinahiling sako kan Kahorohalangkaweng Dios.

Daniel 6:20

Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Daniel 6:21

Nasimbag si Daniel, “Mabuhay logod sagkod pa man an Mahal na Hade!

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Mga Gibo 16:17

Pinagparasunod niya kami asin si Pablo mantang nagkukurahaw, “An mga tawong ini sorogoon kan Kahorohalangkaweng Dios! Ipinagbabareta ninda saindo kun paano kamo makakaligtas!”

Mga Gibo 16:37

Alagad sinabihan ni Pablo an mga pulis, “Hayag kaming ipinahampak asin ipinabilanggo na dai lamang siniyasat, kami na mga syudadanong Romano. Ngunyan hilom sana ninda kaming papaluwason? Dai pwede! Sinda mismo an magdigdi sa pagpaluwas samo!”

Mga Gibo 27:23

Huli ta kasubanggi may nagpahiling sakong sarong anghel na sinugo nin Dios na sinasamba ko asin pinaglilingkodan.

Galacia 1:10

Nangangahulogan daw iyan na hinahanap ko an omaw nin mga tawo? Bako nanggad! An talagang boot ko, Dios an mag-omaw sako. Kun nagmamawot akong omawon nin mga tawo, dai kutana ako nagin sorogoon ni Cristo.

Deuteronomio 4:20

Alagad kamo an banwaan na ilinigtas niya sa Egipto, an nagkakalayong horno, tanganing gibohon niyang sadiring banwaan, na iyo kamo ngunyan.

Josue 3:17

Mantang naglalakaw sa mamarang daga an mga Israelita, dai naghale sa tahaw kan nagmarang salog an mga padi na nagpapasan kan Kaban nin Tipan sagkod na nakabalyo an gabos na tawo.

Josue 4:10

An mga padi nagtirindog sa tahaw kan Jordan sagkod na natapos an mga ipinagboot nin Kagurangnan ki Josue na gibohon kan mga tawo. Ini an ipinagboot ni Moises. Naghidali an mga tawo sa pagbalyo sa salog.

Kapahayagan 19:5

Dangan may tingog na nagtaram hale sa trono, “Omawon nindo an satong Dios, kamo gabos na sorogoon niya asin kamo na mga may pagkatakot saiya, dakula o sadit!”