Daniel 3:10 - Marahay na Bareta Biblia

¹⁰ O Mahal na Hade, nagpaluwas ka nin sarong pagboot na sa pagpoon kan musika, maduko saka masamba an gabos sa bulawan na estatwa,

Daniel 3:10 ပူးပေါင်းရင်းမြစ်များ

1 Mga Cronica 15:16

Pinagbotan man ni David an mga lider kan mga Levita na ibugtak an iba nindang tugang tanganing mag-awit asin magtugtog nin maogmang musika sa mga arpa, lira saka gimbal.

1 Mga Cronica 15:28

Sa siring na paagi, an Kaban nin Tipan dinara sa Jerusalem kan gabos na Israelita. Nagkurahaw sinda gabos sa kaogmahan, kasabay an tanog kan mga trompeta, asin kan mga gimbal, saka an makosog na musika kan mga arpa asin lira.

2 Mga Cronica 29:25

Kinuyog kan hade an mga pagboot nin Kagurangnan na itinao ki Hadeng David sa paagi ni Gad, na propeta kan hade, asin sa paagi kan propeta na si Natan; nagbugtak siya nin mga Levita sa Templo, na may mga gimbal, mga arpa saka mga lira,

Salmo 94:20

Tutugotan mo daw na mag-apil saimo an mga maraot na hukom, na minabiko kan katanosan sa paagi nin mga pagboot,

Exodo 1:16

“Kun kamo magpaaki sa mga babaeng Hebreyo, gadanon nindo an aki kun lalaki alagad pabayaan nindong mabuhay kun babae.”

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Parahulit 3:16

Laen pa kaini, embes na hustisya an mahiling ko sa kinaban, nahiling ko an karatan; embes na katanosan, an karatan.

Isaias 10:1

Herak man saindo na nagpapaluwas nin bakong matanos na mga pagboot; mga pagboot na minaapi sa sakong banwaan.

Daniel 3:11

asin an siisay man na dai maggibo kaini itatapok sa nagkakalayong horno.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Daniel 6:12

nagduman sinda gabos sa hade tanganing isumbong si Daniel. Nagsabi sinda, “Mahal na Hade, bakong nagpirma ka nin sarong pagboot na sa laog nin treyntang aldaw an siisay man na maghagad nin anoman sa arin man na dios o tawo ihuhulog sa kalot na pano nin leon?” Nagsimbag an hade, “Iyo, sarong pagboot, sarong togon kan mga taga Media asin mga taga Persia, na dai pwedeng liwaton.”

Amos 6:5

Nawiwili kamong maggibo nin mga awit, arog ki David, dangan tinutugtog nindo iyan sa saindong mga arpa.

Juan 11:57

An mga poon na padi asin an mga Fariseo nagboot na an siisay man na nakakaaram kun haen si Jesus, magsumbong sainda tanganing ikapadakop ninda siya.