Daniel 2:44 - Marahay na Bareta Biblia

⁴⁴ Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Daniel 2:44 ပူးပေါင်းရင်းမြစ်များ

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

2 Samuel 7:13

Siya an matugdok nin Templo para sako, asin gigibohon kong magdanay an saiyang trono sagkod pa man.

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

Salmo 145:13

An kahadean mo mayo nin kapinonan asin mayo nin kataposan, maghahade ka sagkod pa man. An Kagurangnan maimbod sa gabos niyang tataramon, asin maugayon sa gabos niyang gibo.

Isaias 60:12

Alagad rurumpagon an mga nasyon na dai naglilingkod saimo.

Ezekiel 37:25

Mag-eerok sinda sa daga na itinao ko sa sakong sorogoon na si Jacob, an daga na pinag-erokan kan saindang mga ginikanan. Duman na sinda mag-eerok sagkod pa man, siring man an saindang mga aki asin an gabos nindang kapagarakian. Sarong hade na arog kan sorogoon kong si David an maghahade sa sainda sagkod lamang.

Daniel 2:28

Alagad igwa nin sarong Dios sa langit na nagpapahayag kan mga misteryo. Ipinaaram niya sa saimo an mangyayari sa maabot na panahon. Ngunyan sasabihon ko saimo an pangatorogan, an bisyon na nahiling mo mantang nagkakatorog ka.

Daniel 2:34

Mantang hinihiling mo an estatwa, may sarong dakulang gapo na nagpoon pagligid hale sa ampas, maski mayong siisay man na nagdotdot kaiyan. Tinamaan kaiyan an mga bitis na gibo sa pinaghalong lansang saka laboy, asin nagkaparasa an mga ini.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Daniel 2:37

Mahal na Hade, ika an pinakadakula sa gabos na hade. An Dios nin langit an naggibo saimong magin emperador, asin tinawan ka niya nin kapangyarihan, kosog saka dangog.

Daniel 2:43

Nahiling mo man na an lansang may salak na laboy. Ini nangangahulogan na hihingowahon kan mga pamayo kan imperyong idto na pagsaroon an saindang mga pamilya sa paagi nin pag-inaragoman, alagad dai ninda magigibo iyan, siring na an lansang dai minahalo sa laboy.

Daniel 4:3

“Dakula nin marahay an mga ngangalasan na ipinahiling niya sato! Mapangyari nanggad an mga milagro na saiyang ginigibo. Sarong daing tapos na kahadean an saiyang kahadean; maghahade siya sagkod pa man.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Daniel 6:27

Nagliligtas siya, naggigibo nin mga ngangalasan asin mga milagro sa langit saka sa daga. Ilinigtas niya si Daniel sa kapangyarihan kan mga leon.”

Daniel 7:27

An kapangyarihan saka kadakulaan kan gabos na kahadean sa daga itatao sa mga banal kan Kahorohalangkaweng Dios asin magigin mayong tapos an saindang kapangyarihan sa paghade, patin paglilingkodan saka kukuyogon sinda kan gabos na pamayo.”

Daniel 8:25

Huli sa saiyang katusohan, magigibo niya an anoman na pandadaya. Magigin mahambog siya asin dakul an gagadanon niya na mayo nin patanid. Tutumangan niya an Hade nin mga hade, alagad maroronot siya bakong huli sa kapangyarihan nin tawo.

Mikas 4:7

Pilay na sinda asin harayo sa sadiri nindang daga, alagad magibo ako nin bagong kapinonan sa mga natada, asin magigin sarong dakulang nasyon sinda. Ako an mamamayo sainda sa Bukid nin Sion magpoon sa panahon na iyan asin sagkod pa man.”

Hageo 2:22

rurumpagon ko na an mga kahadean dangan tataposon an saindang kapangyarihan. Papabalintokon ko an mga karwahe asin an mga lunad kaiyan; magagadan an mga kabayo asin maggagaradanan an mga lunad diyan.

Hageo 2:7

Tatanyogon ko an gabos na nasyon, tanganing madara digdi an saindang mga kayamanan asin mapano kaiyan an Templo.

Mateo 28:18

Dinolok sinda ni Jesus asin sinabihan, “Itinao sako an gabos na kapangyarihan sa langit asin sa daga.

Juan 12:34

Nagsimbag an mga tawo, “Sinasabi sa Katogonan na an Cristo magdadanay sagkod pa man. Tadaw ta sinasabi mong dapat iitaas an Aki nin Tawo? Siisay ining Aki nin Tawo?”

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”