Daniel 2:35 - Marahay na Bareta Biblia

³⁵ Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Daniel 2:35 ပူးပေါင်းရင်းမြစ်များ

An Libro ni Job 6:17

alagad nawawara sa panahon nin tig-init; kun mainit na, nawawara sinda sa saindang namumugtakan.

Salmo 103:16

dangan inaagihan nin doros asin nawawara, dai na giraray nahihiling.

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Salmo 37:10

Dai mahahaloy mapapara an maraot; maski hanapon mo siya sa saiyang lugar, mayo siya duman;

Salmo 37:36

Nag-agi ako giraray, asin mayo na siya duman; hinanap ko siya, alagad dai ko siya nakua.

Salmo 46:9

Pinapaontok niya an mga gera sa bilog na kinaban; binabari niya an mga pana, pinuputol an mga garod, asin sinusulo niya an mga kalasag.

Salmo 66:4

An bilog na daga nagsasamba saimo; nag-aawit saimo nin mga pag-omaw, nag-aawit nin mga pag-omaw sa saimong ngaran.”

Salmo 86:9

Madatong an gabos na nasyon na saimong linalang; mataong galang sa saimong atubang; asin mapamuraway kan saimong ngaran.

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 8:9

Magtiripon kamo huli sa takot, kamong mga nasyon! Pagdangog kamo, mga harayong kabtang kan kinaban. Mag-andam kamo sa pakilaban, alagad matakot kamo! Iyo, mag-andam kamo, alagad matakot kamo!

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Oseas 13:3

Kaya magkakawarara an mga tawong siring kaini, arog sa alopoop sa pagkaaga, arog sa ambon na nawawara amay pa an aldaw. Makakaarog sinda sa dagami na ipinapalid kan doros, arog sa asong hale sa sarong pugon.

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Zacarias 12:3

Alagad pag-abot kan panahon na iyan, an Jerusalem gigibohon kong arog sa sarong magabat na gapo—an arin man na nasyon na maghingowang alsahon iyan makukulogan. Pagsasaroon kan gabos na nasyon sa kinaban an saindang kosog tanganing salakayon an Jerusalem.

1 Corinto 15:25

Huli ta dapat maghade si Cristo sagkod na an gabos niyang kaiwal ibugtak nin Dios sa irarom kan saiyang mga bitis.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 12:8

Nadaog an dragon asin an mga anghel niya kaya pinahale na sinda sa langit.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.