Daniel 2:32 - Marahay na Bareta Biblia

³² An payo kaiyan gibo sa pinong bulawan; an daghan saka an mga takyag gibo sa plata; an tulak saka habayan gibo sa bronse,

Daniel 2:32 ပူးပေါင်းရင်းမြစ်များ

Isaias 14:4

Kun gibohon na niya ini, pag-oolog-ologon kan mga Israelita an hade nin Babilonia asin magsasarabi: “Buminagsak na an makuring hade! Dai na nanggad siya makakaapi sa kiisay man!

Jeremias 51:7

An Babilonia nagin arog sa bulawan na kalis sa kamot ko, tanganing buraton an bilog na kinaban. Nag-inom kan saiyang arak an mga nasyon, kaya narungaw sinda.

Daniel 2:33

an mga tabay gibo sa lansang, asin an mga bitis gibo sa pinaghalong lansang saka laboy.

Daniel 4:22

Mahal na Hade, ika an kahoy, halangkaw asin pusog. Duminakula ka nin marahay kaya nakakaabot sa langit, asin sakop kan saimong kapangyarihan an bilog na kinaban.

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Daniel 5:28

PERES, binanga na an saimong kahadean asin itinao sa mga taga Media saka sa mga taga Persia.”

Kapahayagan 17:4

An babae nakagubing nin purpura saka pula; nasasamnohan siya nin mga bulawan, mga mahalagang bato, asin mga perlas. Igwa siyang kapot na bulawan na kopa na pano nin kadustaan saka mga maaating bagay, na iyo an bunga kan saiyang karigsokan.