Daniel 2:31 - Marahay na Bareta Biblia

³¹ “Mahal na Hade, nahiling mo sa saimong bisyon an sarong higanteng estatwa na nakatindog sa atubang mo, maliwanag saka nagkikinang, asin makangirhat paghilingon.

Daniel 2:31 ပူးပေါင်းရင်းမြစ်များ

Isaias 13:11

Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Ezekiel 28:7

madara ako nin mariringis na mga kaiwal tanganing salakayon ka. Raraoton ninda sa espada an gabos na magagayon na mga bagay na nakamtan mo huli kan saimong kadonongan asin pakaaram.

Daniel 2:36

“Iyo iyan an pangatorogan. Ngunyan, sasabihon ko sa saimo Mahal na Hade an kahulogan kaiyan.

Daniel 2:37

Mahal na Hade, ika an pinakadakula sa gabos na hade. An Dios nin langit an naggibo saimong magin emperador, asin tinawan ka niya nin kapangyarihan, kosog saka dangog.

Daniel 3:1

Nagpagibo si Hadeng Nebukadnezzar nin sarong estatwang bulawan, na beynte y syete metros an langkaw asin maabot sa tolong metros an lakbang. Ipinabugtak niya ini sa kapatagan nin Dura sa probinsya nin Babilon.

Daniel 4:36

“Kan magbalik an sakong kaisipan, ibinalik man sako an sakong onra, kamahalan asin an kamurawayan kan sakong kahadean. Inako giraray ako kan sakong mga opisyal saka mga prinsipe, asin ibinalik ninda sako an kahadean, na may onrang orog pa ki sa dati.

Habakkuk 1:7

Pinapalakop ninda an takot saka kadahasan, asin sa saindang kapalangkawan, sinda mismo an naggigibo nin pagboot.

Mateo 4:8

Dangan dinara si Jesus kan Demonyo sa sarong halangkawon na bukid. Ipinatanaw saiya an gabos na kahadean sa kinaban asin an saindang kamurawayan.

Lukas 4:5

Dangan dinara siya kan demonyo sa sarong halangkaw na lugar saka ipinahiling saiya sa sarong kimat nin mata an gabos na kahadean sa kinaban.