Daniel 2:27 - Marahay na Bareta Biblia

²⁷ Nagsimbag si Daniel, “Mahal na Hade, mayo nin madonong, salamangkero, parahula, o astrologo na makakapagsabi saimo kaiyan.

Daniel 2:27 ပူးပေါင်းရင်းမြစ်များ

Genesis 40:8

Nagsimbag sinda, “Pareho kaming nangatorogan asin mayo digdi nin siisay man na makakapaliwanag kun ano an kahulogan.” Nagsimbag si Jose, “An Dios an nagtatao kan kakayahan sa pagpaliwanag nin mga pangatorogan. Istoryahan daw nindo sako.”

Genesis 41:8

Alagad pagkaaga nahadit siya nin marahay kaya ipinaapod niya an gabos na salamangkero asin mago sa Egipto. Isinaysay niya sainda an saiyang mga pangatorogan, alagad mayo nin siisay man na nakapaliwanag kaini saiya.

Isaias 19:3

Dai ko papangyarihon an mga plano kan mga Egipcio asin hahaleon ko an saindang kosog nin boot. Makikihumapot sinda sa mga ladawan, sa mga parakulam, sa mga nakikihumapot sa mga gadan asin sa mga salamangkero.

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Jeremias 10:7

Siisay an dai matatakot saimo, O Hade kan mga nasyon? Maninigo kang katakotan. Mayo nin makakaarog saimo sa gabos na madodonong sa mga nasyon, o sa arin man sa saindang mga hade.

Daniel 1:20

Maski anong hapot o problema an itao kan hade, an apat na ini iyo an may sampolong beses na naaaraman ki sa arin man na parahula o salamangkero sa bilog niyang kahadean.

Daniel 2:2

Kaya ipinaapod niya an mga parahula, mga salamangkero asin mga madonong tanganing ipaliwanag ninda saiya an pangatorogan. Kan mag-atubang sinda sa hade,

Daniel 4:7

Dangan nag-atubang sako an gabos na parahula, salamangkero, madonong, asin astrologo. Inosip ko sainda an sakong pangatorogan alagad dai ninda iyan ikinapaliwanag.