Daniel 2:12 - Marahay na Bareta Biblia

¹² Pagkadangog kaini kan hade, naanggot siyang marahay dangan ipinagboot na gadanon an gabos na parahatol sa Babilon.

Daniel 2:12 ပူးပေါင်းရင်းမြစ်များ

An Libro ni Job 5:2

Totoo nanggad na an kaanggotan minagadan sa lolong, asin an pag-imon minagadan sa kulang nin pakasabot.

Salmo 76:10

An kaanggotan nin tawo magtatao nin kaomawan saimo; an makaligtas sa gera iyo an maselebrar kan saimong mga pyesta.

Mga Talinhaga 16:14

Hinihingowa kan madonong na mapaogma an hade huli ta kun maanggot an hade, igwa nin tawong magagadan.

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Mga Talinhaga 20:2

An kaanggotan nin hade garo ungal kan leon; an minapaanggot saiya nawawaraan kan sadiring buhay.

Mga Talinhaga 29:22

An tawong madaling maanggot iyo an nagigin dahelan nin dakul na pag-iriwal asin karibokan.

Daniel 2:24

Kaya nagduman si Daniel ki Ariok, na pinagbotan kan hade tanganing gadanon an mga parahatol kaini. Sinabihan niya si Ariok, “Dai mo sinda paggadanon. Darahon mo ako sa hade, asin ipapaliwanag ko saiya kun ano an kahulogan kan saiyang pangatorogan.”

Daniel 2:5

Nagsimbag sainda an hade, “Nagdesisyon na ako na kaipuhan kamo an mag-osip sako kan pangatorogan ko dangan sabihan nindo ako kun ano an kahulogan kaiyan. Kun dai nindo magibo iyan, ipapapedaso ko kamo asin ipapagaba ko an saindong harong.

Daniel 3:13

Pagkadangog kaini, naanggot nin marahay an hade dangan nagboot na darahon sa atubang niya an tolong lalaki.

Daniel 3:19

Namula an lalawogon ni Nebukadnezzar sa labi-labing kaanggotan ki Sadrak, Mesak, asin ki Abednego. Kaya pinagbotan niya an saiyang mga tawohan na initon an horno nin makapitong beses ki sa dati.

Daniel 5:19

Huli kan kadakulaan na itinao nin Dios saiya, an gabos na banwaan, nasyon, rasa saka lengwahe natatakot saiya asin tinatakigan. Kun boot niyang gadanon an siisay man, ginagadan niya; kun boot niyang buhayon an siisay man, binubuhay niya. Ilinalangkaw niya o ibinababa an siisay man na booton niya.

Mateo 2:16

Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.