Daniel 12:8 - Marahay na Bareta Biblia

⁸ Nadangog ko an saiyang sinabi alagad dai ko nasabotan, kaya naghapot ako, “Kagurangnan, paano matatapos an gabos na ini?”

Daniel 12:8 ပူးပေါင်းရင်းမြစ်များ

Daniel 10:14

Napadigdi ako tanganing pasaboton ka kun ano an mangyayari sa saimong banwaan sa maabot na panahon. Saro ining bisyon dapit sa maabot na panahon.”

Daniel 12:6

Hinapot kan saro an anghel na nagtitindog sa may parteng itaas, “Sagkod nuarin matatapos an makangangalas na mga bagay na ini?”

Daniel 12:7

Initaas kan anghel an duwa niyang kamot dangan nagsumpa sa ngaran kan Daing Kataposan na Dios. Nadangog ko an saiyang sinabi, “Tolong taon may kabanga pa. Pakatapos kan pagpasakit sa banwaan nin Dios, dangan mangyayari an gabos na ini.”

Daniel 12:9

Nagsimbag siya, “Magpuli ka na, Daniel, huli ta kaipuhan magin hilom an mga tataramon na ini sagkod na dumatong an kataposan.

Daniel 8:13

Dangan nadangog kong hinapot kan sarong anghel an saro pang anghel, “Sagkod nuarin magpapadagos an mga bagay na ini na nahiling sa bisyon? Sagkod nuarin riribayan nin makangirhat na kasalan an aroaldaw na atang? Sagkod nuarin titimaktimakan an langitnon na hukbo saka an Templo?”

Lukas 18:34

Mayo sindang nasabotan maski arin man kan mga bagay na ini; dai ninda nasabotan an saiyang itinaram huli ta dai ini naabot kan saindang isip!

Juan 12:16

An mga bagay na ini dai nasabotan kan saiyang mga disipulo kaidto; alagad kan si Jesus pinagmuraway na, naromdoman ninda na an gabos na ini sinurat dapit saiya asin ini ginibo sa saiya.

Mga Gibo 1:7

Nagsimbag si Jesus, “An mga aldaw asin an mga panahon itinalaan kan sakong Ama huli kan saiyang kapangyarihan; dai nasa saindo an pakaisi kaiyan.

1 Pedro 1:11

Siniyasat ninda kun nuarin asin kun paano mangyayari an mga sakit na titioson ni Cristo dangan an kamurawayan na maabot na ipinaghula kan Espiritu ni Cristo na yaon sainda.