Daniel 12:7 - Marahay na Bareta Biblia

⁷ Initaas kan anghel an duwa niyang kamot dangan nagsumpa sa ngaran kan Daing Kataposan na Dios. Nadangog ko an saiyang sinabi, “Tolong taon may kabanga pa. Pakatapos kan pagpasakit sa banwaan nin Dios, dangan mangyayari an gabos na ini.”

Daniel 12:7 ပူးပေါင်းရင်းမြစ်များ

An Libro ni Job 27:2

“Siring na buhay an Makakamhan na Dios, na naghale kan sakong deretso, asin nagpapait kan sakong buhay—

Isaias 62:12

Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Ezekiel 20:5

Sabihan mo sinda kan itinataram ko. Kan pilion ko an Israel, nanuga ako sainda. Nagpamidbid ako sainda sa Egipto asin tinaraman ko sinda: Ako an Kagurangnan na saindong Dios.

Daniel 10:5

Nagtingkalag ako asin nahiling ko an sarong tawo na nakasulot nin gubing na lino saka may bulawan na habay.

Daniel 11:13

“Dangan an hade nin Siria matipon nin sarong dakulang hukbo na orog pa ki sa naenot. Pag-abot kan tamang panahon, mabalik siya kaiba an sarong dakula asin armadong hukbo.

Daniel 12:6

Hinapot kan saro an anghel na nagtitindog sa may parteng itaas, “Sagkod nuarin matatapos an makangangalas na mga bagay na ini?”

Daniel 12:8

Nadangog ko an saiyang sinabi alagad dai ko nasabotan, kaya naghapot ako, “Kagurangnan, paano matatapos an gabos na ini?”

Daniel 4:31

Mantang nagtataram pa an hade, sarong tingog hale sa langit an nagsabi, “Hadeng Nebukadnezzar, dangoga an sakong sasabihon! Hinale na sa saimo an saimong kahadean.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 7:21

Mantang naghihiling ako, nakigera an sungay na ini sa mga banal nin Dios asin nasakop sinda,

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Daniel 8:14

Nadangog ko an simbag kan anghel, “Magpapadagos iyan sa laog nin mil syento singkwentang aldaw; mga aldaw na dai idodolot an pangbanggi asin pang-agang atang. Dangan hihirahayon an Templo.”

Daniel 8:24

Orog siyang magkokosog—alagad bakong huli kan sadiri niyang kapangyarihan. Magdadara siya nin karatan asin magigibo niya an anoman na saiyang mawoton. Dadaogon niya an mga makosog na tawo asin an banwaan nin Dios.

Lukas 21:14

Ibugtak na nindo sa saindong isip na dai kamo mahadit kun paano kamo masimbag,

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Deuteronomio 26:19

tanganing gibohon niya kamong pinakadakula sa gabos na nasyon na saiyang linalang, asin magdadara kamo nin kaomawan saka onra sa saiyang ngaran. Kamo an magigin sadiring banwaan nin Kagurangnan na saindong Dios siring sa saiyang ipinanuga.”

Deuteronomio 32:36

Ililigtas nin Kagurangnan an saiyang banwaan, kun mahiling niyang mayo na sindang kapangyarihan. Maheherakan niya idtong mga naglilingkod saiya, kun mahiling niyang kadikit na sana sinda.

Deuteronomio 32:40

Siring na ako an buhay na Dios, iniitaas ko an sakong kamot sa kalangitan asin ako minasumpa

Deuteronomio 7:6

Gibohon nindo iyan huli ta sadiri kamo nin Kagurangnan na saindong Dios. Hale sa gabos na banwaan sa kinaban, pinili niya kamo na magin saiyang sadiring banwaan.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Kapahayagan 12:14

Alagad tinawan an babae nin duwang pakpak nin dakulang agila, tanganing makalayog siya, harayo sa dragon, pasiring sa kalangtadan, saen aatamanon siya sa laog nin tolo may kabangang taon.

Kapahayagan 12:6

Nagdulag an babae pasiring sa kalangtadan, sa lugar na inandam para saiya nin Dios tanganing atamanon siya duman sa laog nin mil dos syentos sesentang aldaw.

Kapahayagan 13:5

Tinugotan an hayop na mag-orgulyo saka maglanghad sa Dios, asin magkaigwa nin awtoridad sa laog nin kwarenta y dos na bulan.

Kapahayagan 4:10

an beynte y kwatrong kamagurangan minaluhod dangan minasamba sa atubang kan nagtutukaw sa trono, na nabubuhay sagkod pa man. Ibinubugtak ninda sa atubangan kan trono an saindang mga korona saka minaawit:

Kapahayagan 4:9

Sa lambang pag-awit kaining apat na buhay na linalang kan mga awit nin pagpamuraway, pag-omaw, saka pagpasalamat duman sa atubangan kan nagtutukaw sa trono na nabubuhay sagkod pa man,