Daniel 12:6 - Marahay na Bareta Biblia

⁶ Hinapot kan saro an anghel na nagtitindog sa may parteng itaas, “Sagkod nuarin matatapos an makangangalas na mga bagay na ini?”

Daniel 12:6 ပူးပေါင်းရင်းမြစ်များ

Salmo 74:9

Mayo na an samong mga banal na tanda; mayo ni sarong propetang natada; asin mayong nakakaaram kun sagkod nuarin an siring na kamugtakan.

Ezekiel 9:2

Hale sa trangkahan na nasa luwas kan Templo sa amihan, nag-abot tolos an anom na lalaki, na an lambang saro may armas. Kaiba ninda an sarong lalaking nakagubing nin lino, na may darang sarong pansurat. Naglaog sinda dangan nagtindog sa may bronseng altar.

Daniel 12:5

Dangan nahiling ko an duwang lalaki na nagtitindog sa pangpang kan salog, an saro nasa sarong ibong mantang an saro nasa saro man na ibong.

Daniel 12:8

Nadangog ko an saiyang sinabi alagad dai ko nasabotan, kaya naghapot ako, “Kagurangnan, paano matatapos an gabos na ini?”

Daniel 8:13

Dangan nadangog kong hinapot kan sarong anghel an saro pang anghel, “Sagkod nuarin magpapadagos an mga bagay na ini na nahiling sa bisyon? Sagkod nuarin riribayan nin makangirhat na kasalan an aroaldaw na atang? Sagkod nuarin titimaktimakan an langitnon na hukbo saka an Templo?”

Daniel 8:16

Dangan nadangog ko an sarong tingog na nag-apod hale sa ibong kan Salog nin Ulai, “Gabriel, paliwanagan saiya an kahulogan kan saiyang nahiling.”

Mateo 24:3

Mantang nagtutukaw si Jesus sa Bukid nin mga Oliba, duminolok saiya an mga disipulo asin naghapot na mayong ibang nakakadangog, “Sabihi kami kun nuarin ini mangyayari asin kan tanda kan pagbalik mo dangan kan kataposan kan panahon.”

Markos 13:4

Nagsabi sinda, “Sabihi kami kun nuarin iyan mangyayari. Ano an tanda na mangyayari na iyan?”

Efeso 3:10

tanganing ikapahayag sa paagi kan simbahan, an daing kasagkoran na kadonongan nin Dios ngunyan sa manlaen-laen na paagi, sa mga prinsipado asin sa mga kapangyarihan sa kalangitan.

1 Pedro 1:12

Ipinahayag sainda nin Dios na idtong gibo ninda bakong sa sadiri nindang karahayan kundi para saindo. An mga bagay na ini ibinareta na ngunyan saindo kaidtong mga naghulit kan Marahay na Bareta huli sa Espiritu Santo na hale sa langit. Maski an mga anghel boot man masabotan an mga bagay na ini.

Kapahayagan 15:6

Nagluwas sa templo an pitong anghel na may darang pitong peste; nakagubing sinda nin nagkikintab na puting lino saka may mga pahang bulawan na nakabugkos sa saindang mga daghan.

Kapahayagan 19:14

Nagsunod saiya an mga hukbo nin langit, nakalunad sa mga puting kabayo saka nakagubing nin puti asin malinig na lino.

Kapahayagan 6:10

Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”