Daniel 12:4 - Marahay na Bareta Biblia

⁴ Tinaraman niya ako, “Ngunyan, Daniel, serahan mo an libro dangan bugtakan mo nin selyo sagkod na mag-abot an kataposan nin kinaban. Mantang dai pa iyan nangyayari, dakul na tawo an magsasayang nin panahon sa pagsabot kan nangyayari.”

Daniel 12:4 ပူးပေါင်းရင်းမြစ်များ

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 29:11

Matatago saindo an kahulogan kan lambang bisyon; makakaarog iyan sa sarong libro na may selyo. Kun darahon nindo iyan sa tataong magbasa asin hagadon nindo na basahon iyan saindo, masabi siyang dai niya iyan magigibo huli ta igwa iyan nin selyo.

Isaias 30:26

An liwanag kan bulan magigin siring sa aldaw, asin an aldaw magigin pitong beses an kaliwanagan ki sa dating liwanag kaini, arog sa liwanag nin pitong aldaw na nagliwanag sa saro sanang aldaw. An gabos na ini mangyayari kun bolongon dangan paomayan na nin Kagurangnan an mga lugad na itinao niya sa saiyang banwaan.

Isaias 32:3

Magigin bukas an saindang mga mata asin talinga sa mga pangangaipo kan banwaan.

Isaias 8:16

Kamo, sakong mga disipulo, dapat na ingatan nindo asin papagdanayon an mga mensahe na itinao sako nin Dios.

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Daniel 10:1

Kan ikatolong taon kan paghahade ni Ciro sa Persia, sarong mensahe an ipinahayag ki Daniel na inaapod man Beltesazzar. Totoo an mensahe alagad masakit na masabotan. Ipinaliwanag idto saiya sa paagi nin sarong bisyon.

Daniel 10:14

Napadigdi ako tanganing pasaboton ka kun ano an mangyayari sa saimong banwaan sa maabot na panahon. Saro ining bisyon dapit sa maabot na panahon.”

Daniel 11:33

An kadonongan kan mga madonong ihihiras ninda sa mga tawo, alagad sa halipot na panahon an iba sa sainda magagadan sa gera o susuloon, mantang an iba, hahabonan asin mabibilanggo.

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Daniel 12:13

“Ika, Daniel, magin maimbod ka sagkod sa kataposan. Magagadan ka, alagad mabangon ka tanganing akoon an balos sa kataposan kan panahon.”

Daniel 12:5

Dangan nahiling ko an duwang lalaki na nagtitindog sa pangpang kan salog, an saro nasa sarong ibong mantang an saro nasa saro man na ibong.

Daniel 12:9

Nagsimbag siya, “Magpuli ka na, Daniel, huli ta kaipuhan magin hilom an mga tataramon na ini sagkod na dumatong an kataposan.

Daniel 8:17

Nagdolok sako si Gabriel asin nagtindog sa kataed ko. Natakot ako nin marahay kaya natumba ako sa daga. Nagsabi siya sako, “Aki nin tawo, saboton mo na an bisyon ipinapanongod sa kataposan kan kinaban.”

Daniel 8:19

Nagsabi siya, “Ipinapahiling ko saimo an magigin bunga kan kaanggotan nin Dios. An bisyon ipinapanongod sa panahon kan kataposan.

Daniel 8:26

Mangyayari an bisyon na ini dapit sa pangbanggi asin pang-agang atang na ipinaliwanag saimo. Alagad hilomon mo ngona ngunyan, huli ta haloy pang panahon bago mangyari iyan.”

Mateo 24:14

Ining Marahay na Bareta dapit sa Kahadean nin langit ipaghuhulit sa bilog na kinaban, tanganing maaraman kan gabos na nasyon; dangan mangyayari an kataposan.

Roma 10:18

Ini an hapot ko: Totoo daw na dai ninda nadangog an mensahe? Nadangog ninda, huli ta nasusurat, “An saindang tingog nakalakop sa bilog na kadagaan, an saindang mga tataramon nakaabot sagkod sa mga poro kan kinaban.”

Kapahayagan 10:4

Pakasimbag ninda, masurat na kuta ako, alagad nakadangog ako nin sarong tingog na nagtataram hale sa langit, “Hiloma sana an sinabi kan pitong daguldol; dai mo iyan ipagsurat!”

Kapahayagan 22:10

Nagsabi pa siya sako, “Dai mo paghilomon an mga propesiya sa librong ini, huli ta madali nang maotob ini.

Kapahayagan 5:1

Nahiling ko sa toong kamot kan nagtutukaw sa trono an sarong libro na pano nin surat mang-ibong-ibong asin igwa nin pitong selyo.