Daniel 12:11 - Marahay na Bareta Biblia

¹¹ “Magpoon sa pagpaontok kan aroaldaw na sakripisyo, na an boot sabihon pagpoon kan Mangirhat na Katakotan, maagi an mil dos syentos nubentang aldaw!

Daniel 12:11 ပူးပေါင်းရင်းမြစ်များ

Exodo 29:38

“Sagkod pa man, ini an idodolot nindo sa ibabaw kan altar: duwang korderong manangtaon an edad sa aroaldaw.

Ezekiel 4:6

Pakatapos mo kaiyan, magtagilid ka sa too asin magtios ka para sa kasalan nin Juda sa laog nin kwarentang aldaw—sarong aldaw para sa lambang taon nin pagpadusa ko sainda.

Daniel 1:12

“Baloa kami sa laog nin sampolong aldaw; tawan mo sana kami nin gulay na makakakan saka tubig na maiinom,

Daniel 11:31

An nagkapira kan saiyang soldados madigta kan Templo; oontokon ninda an aroaldaw na pagsakripisyo asin papatindogon an Makangirhat na Katakotan.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Daniel 8:26

Mangyayari an bisyon na ini dapit sa pangbanggi asin pang-agang atang na ipinaliwanag saimo. Alagad hilomon mo ngona ngunyan, huli ta haloy pang panahon bago mangyari iyan.”

Daniel 9:27

An pamayong iyan magibo nin sarong pusog na tipan sa dakul na banwaan sa laog nin pitong taon, asin kun makalihis na an kabanga kan panahon na iyan, ipapaontok niya an mga pag-atang saka pagdolot. Dangan ibubugtak sa pinakahalangkaw na lugar kan Templo an Makangirhat na Katakotan asin magdadanay iyan duman sagkod na magadan an nagbugtak kaiyan—sarong kagadanan na inandam nin Dios para saiya.”

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Mateo 24:15

“Mahihiling nindong mangyayari sa banal na lugar ‘An Makangingirhat na Katakotan,’ na sinabi ni Propeta Daniel.” (Saboton ini kan nagbabasa!)

Markos 13:14

“Mahihiling nindo ‘An Makangingirhat na Katakotan’ na nagtitindog sa lugar na dai niya dapat tindogan.” (Saboton ini kan nagbabasa!) “Idtong mga nasa Judea, kaipuhan magdulag pasiring sa kabubuldan.

Kapahayagan 11:2

Alagad dai mo pagsukolon an patyo sa luwas kan templo, huli ta itinao na iyan sa mga pagano na matimak-timak kan Banal na Syudad sa laog nin kwarenta y dos na bulan.

Kapahayagan 12:6

Nagdulag an babae pasiring sa kalangtadan, sa lugar na inandam para saiya nin Dios tanganing atamanon siya duman sa laog nin mil dos syentos sesentang aldaw.

Kapahayagan 13:5

Tinugotan an hayop na mag-orgulyo saka maglanghad sa Dios, asin magkaigwa nin awtoridad sa laog nin kwarenta y dos na bulan.