Daniel 11:40 - Marahay na Bareta Biblia

⁴⁰ “Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Daniel 11:40 ပူးပေါင်းရင်းမြစ်များ

Isaias 21:1

Iyo ini an mensahe dapit sa Babilon. Siring sa sarong aripuros na minaagi sa Negeb hale sa kalangtadan, an kasakitan maabot hale sa sarong makatatakot na daga.

Isaias 5:28

Matarom an saindang mga bosog, asin andam na an saindang mga pana. Garo matagas na gapo an mga kuku kan saindang mga kabayo, asin an mga rweda kan saindang mga karwahe magigin garo aripuros.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Ezekiel 38:4

Bibirikon ko siya, bubugtakan nin mga banwit an saiyang mga panga, dangan guguyodon ko siya asin an saiyang hukbo pasiring sa harayo. An saiyang hukbo, kaiba an mga kabayo saka mga naka-unipormeng sakay kan mga ini, dakula nin marahay, asin an lambang soldados armado nin kalasag saka espada.

Ezekiel 38:9

Siya, an saiyang hukbo asin an dakul na nasyon na kaibahan niya, masalakay siring sa sarong bagyo asin garo panganoron na tatahoban ninda an daga.”

Daniel 11:10

“Maandam para sa gera an mga aking lalaki kan hade nin Siria asin matipon sinda nin sarong dakulang hukbo. An saro sainda an padagos na masalakay siring sa sarong baha, asin sasalakayon niya an bantayan kan kaiwal.

Daniel 11:11

Sa kaanggotan, makikilaban an hade nin Egipto sa hade nin Siria asin sasakopon niya an dakulang hukbo kaini.

Daniel 11:13

“Dangan an hade nin Siria matipon nin sarong dakulang hukbo na orog pa ki sa naenot. Pag-abot kan tamang panahon, mabalik siya kaiba an sarong dakula asin armadong hukbo.

Daniel 11:22

An siisay man na magsalungat saiya, maski an Halangkaw na Padi nin Dios, magagadan.

Daniel 11:25

“Matipon siya nin sarong dakulang hukbo tanganing salakayon an hade nin Egipto, na maandam man tanganing makilaban saiya kaiba an sarong dakula asin mapangyaring hukbo. Alagad madadaya an hade nin Egipto asin dai manggagana.

Daniel 11:35

Gagadanon an nagkapira sa mga madonong na lider, alagad an magigin bunga kaiyan iyo an paglinig kan banwaan. Padagos na mangyayari ini sagkod na mag-abot an kataposan, an panahon na itinalaan nin Dios.

Daniel 11:39

Bilang depensa kan saiyang mga bantayan gagamiton niya an mga tawong nagsasamba kan dayuhan na dios. Tatawan niya nin dakulang kaomawan an mga magmimidbid saiya bilang saindang pamayo; ibubugtak niya sinda sa haralangkaw na katongdan, asin tatawan niya nin mga daga bilang regalo.

Daniel 11:7

Dai mahahaloy, an saro sa mga kadugo kan reyna iyo an magigin hade. Sasalakayon kaini an hukbo kan hade nin Siria, lalaogon an saindang bantayan, asin dadaogon sinda.

Daniel 12:4

Tinaraman niya ako, “Ngunyan, Daniel, serahan mo an libro dangan bugtakan mo nin selyo sagkod na mag-abot an kataposan nin kinaban. Mantang dai pa iyan nangyayari, dakul na tawo an magsasayang nin panahon sa pagsabot kan nangyayari.”

Daniel 12:9

Nagsimbag siya, “Magpuli ka na, Daniel, huli ta kaipuhan magin hilom an mga tataramon na ini sagkod na dumatong an kataposan.

Daniel 8:17

Nagdolok sako si Gabriel asin nagtindog sa kataed ko. Natakot ako nin marahay kaya natumba ako sa daga. Nagsabi siya sako, “Aki nin tawo, saboton mo na an bisyon ipinapanongod sa kataposan kan kinaban.”

Habakkuk 3:14

Tinuhog kan saimong mga bosog an pamayo kan saiyang hukbo kan ini nag-abot siring sa sarong bagyo, sa pagwarak samo, nagngingisi ini arog kan mga tawong hilom na nang-aapi kan mga dukha.

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.

Kapahayagan 16:12

Dangan inula kan ikaanom na anghel an nasa saiyang mangko duman sa dakulang Salog nin Eufrates. Nahubas an salog, tanganing may agihan an mga hadeng hale sa sirangan.

Kapahayagan 9:16

Sinabi sako an bilang kan mga soldados na nakakabayo; dos syentos milyon sinda gabos.