Daniel 11:37 - Marahay na Bareta Biblia

³⁷ An hade dai malingkod sa dios nin saiyang mga ginikanan, ni an dios na namomotan kan kababaehan. Sa katunayan, dai niya pahahalagahan an arin man na dios huli ta iisipon niya na orog siya ki sa sainda.

Daniel 11:37 ပူးပေါင်းရင်းမြစ်များ

Genesis 3:16

Dangan tinaraman niya an babae, “Dadagdagan ko an kulog na titioson mo sa saimong pagbados asin pag-aki. Alagad, dai mawawara an saimong pagmawot para sa saimong agom asin siya an saimong pagkukuyogon.”

Genesis 3:5

Itinaram iyan nin Dios huli ta aram niya na sa oras na kumakan kamo kaiyan, makakaarog kamo sa Dios asin maaaraman na nindo an marahay asin an maraot.”

Awit nin mga Awit 7:10

Sadiri ako kan sakong namomotan, asin ako an saiyang minamawot.

Isaias 14:13

Boot mo kaidtong maabot an langit asin ikabugtak an saimong trono sa itaas kan pinakahalangkaw na mga bitoon. Naghohona kang magtutukaw ka siring sa sarong hade sa ibabaw kan bukid sa amihan saen nagtitiripon an mga dios.

Isaias 14:14

Nagsaboot kang sasakaton mo an kaitaasan kan mga panganoron asin magin siring sa Makakamhan.

Ezekiel 24:16

“Aki nin tawo, sa sarong hiro kan kamot, kukuahon ko an tawong namomotan mo nin marahay. Dai ka dapat magmondo o magtangis o maghibi.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 11:38

Mayo siya nin oomawon kundi an dios na nag-aataman kan mga bantayan. Madolot siya digdi nin mga bulawan, plata, alahas, asin mamahalon na regalo; dodolotan niya an sarong dios na dai nanggad sinamba kan saiyang mga ginikanan.

Daniel 8:11

Maski an Prinsipe kan langitnon na hukbo dai kaiyan ginalangan. Pinaontok kaiyan an aroaldaw na atang na idinolot sa Prinsipe, asin ginaba an Templo.

Deuteronomio 21:11

dangan nakahiling kamo nin sarong magayon na babae na nagustohan nindo saka boot nindong agomon,

Deuteronomio 5:21

“‘Dai kamo maara sa agom nin ibang lalaki; dai kamo maara sa saiyang harong, sa saiyang daga, sa saiyang mga oripon, sa saiyang mga baka, mga asno o sa ano man na pagsadiri niya.’

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.

1 Timoteo 4:3

Ipinapangalad ninda an pag-agom asin itinutukdo ninda an pag-ayuno sa mga kakanon, na linalang nin Dios tanganing kakanon na may pasalamat kan mga nagtutubod asin nakakaaram kan katotoohan.