Daniel 11:36 - Marahay na Bareta Biblia

³⁶ “Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 11:36 ပူးပေါင်းရင်းမြစ်များ

Salmo 136:2

Magpasalamat kamo sa Dios nin mga dios; an saiyang pagkamoot mayo nin kataposan.

Salmo 33:10

Linalaglag nin Kagurangnan an mukna kan mga nasyon; rinaraot niya an mga plano kan mga banwaan.

Mga Talinhaga 19:21

Kadakul kan mga plano nin sarong tawo, alagad an kabotan nin Kagurangnan an magdadanay.

Isaias 10:23

Huli ta an Kagurangnan nin mga hukbo, madara nin kagadanan sa bilog na daga, siring sa saiyang sinabi.

Isaias 10:25

Huli ta kadikit na sanang panahon asin matatapos na an pagpadusa saindo, dangan sinda an gagadanon ko.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 14:13

Boot mo kaidtong maabot an langit asin ikabugtak an saimong trono sa itaas kan pinakahalangkaw na mga bitoon. Naghohona kang magtutukaw ka siring sa sarong hade sa ibabaw kan bukid sa amihan saen nagtitiripon an mga dios.

Isaias 14:14

Nagsaboot kang sasakaton mo an kaitaasan kan mga panganoron asin magin siring sa Makakamhan.

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Isaias 46:10

Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.

Isaias 57:9

Minalahid kamo nin mga pahamot saka minaduman sa dios-dios na si Molek tanganing magsamba saiya. Minapadara kamo nin mga sugo sa mga harayong lugar sa paghanap nin mga dios-dios na masasamba; sagkod sa kinaban kan mga gadan, pinapaduman nindo sinda.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Ezekiel 35:13

Nadangog ko an dakul na kahambogan na sinabi mo tumang sako.”

Daniel 11:16

Gigibohon kan nagsalakay na hade nin Siria an anoman na boot niya asin mayo nin masalungat saiya. Matindog siya sa Dagang Panuga asin an gabos na iyan mapapasairarom sa saiyang kapangyarihan.

Daniel 11:3

“Dangan matunga an sarong makosog na hade. Paghahadean niya an sarong dakulang imperyo asin gigibohon niya an anoman na saiyang mawoton.

Daniel 11:37

An hade dai malingkod sa dios nin saiyang mga ginikanan, ni an dios na namomotan kan kababaehan. Sa katunayan, dai niya pahahalagahan an arin man na dios huli ta iisipon niya na orog siya ki sa sainda.

Daniel 12:7

Initaas kan anghel an duwa niyang kamot dangan nagsumpa sa ngaran kan Daing Kataposan na Dios. Nadangog ko an saiyang sinabi, “Tolong taon may kabanga pa. Pakatapos kan pagpasakit sa banwaan nin Dios, dangan mangyayari an gabos na ini.”

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Daniel 5:19

Huli kan kadakulaan na itinao nin Dios saiya, an gabos na banwaan, nasyon, rasa saka lengwahe natatakot saiya asin tinatakigan. Kun boot niyang gadanon an siisay man, ginagadan niya; kun boot niyang buhayon an siisay man, binubuhay niya. Ilinalangkaw niya o ibinababa an siisay man na booton niya.

Daniel 5:20

Alagad huli ta nagin mapalangkaw siya, nagin matagas an payo saka makuri, hinale siya sa saiyang trono asin hinale man an saiyang kamurawayan.

Daniel 7:8

Mantang minamaanan ko an mga sungay, nahiling kong nagtunga an sarong sadit na sungay sa kaibahan kan sampolo. Binulnot kan sadit na sungay an tolo sa sampolo. An sungay na ini igwa nin mga matang arog kan sa tawo, asin sarong ngoso na nagtataram nin kapalangkawan.

Daniel 8:19

Nagsabi siya, “Ipinapahiling ko saimo an magigin bunga kan kaanggotan nin Dios. An bisyon ipinapanongod sa panahon kan kataposan.

Daniel 8:4

Minasdan ko an lalaking karnero na nagsusuag pasiring sa solnopan, sa amihan asin sa habagat. Mayo nin hayop na pwedeng umatubang saiya o makadulag sa saiyang kapangyarihan. Ginigibo niya an saiyang mawilihan asin nagin mapaabaw-abaw siya.

Zacarias 11:16

Nagbugtak ako nin sarong pastor na mamamahala kan sakong mga karnero, alagad dai niya tinatabangan an karnero na nasa kapahamakan; dai man niya hinahanap an nawara, o binobolong an nalugadan, o pinapakakan an mga natada. Kundi kinakakan niya an karne kan pinakamatabang karnero asin hinahale niya an mga kuku kaini.

Juan 5:30

“Sa sadiri kong kapangyarihan mayo akong magiginibo. Naghuhukom ako sosog sana sa itinataram sako nin Dios, kaya an paghukom ko matanos; dai ko ginigibo an kabotan ko kundi an kabotan kan nagsugo sako.

Juan 6:38

huli ta naghilig ako hale sa langit nganing gibohon an kabotan kan nagsugo sako, bakong an kabotan ko.

Mga Gibo 4:28

Ginibo ninda an gabos na bagay na itinalaga mong mangyayari.

Deuteronomio 10:17

Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

2 Tesalonica 2:3

Dai kamo magpadaya sa kiisay man sa anoman na paagi. Huli ta bago umabot an Aldaw na iyan mangyayari ngona an huring pagrebelde tumang sa Dios asin matunga ngona an Maraot na itinalaga sa impyerno.

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.

2 Tesalonica 2:8

Dangan matunga an Maraot, alagad gagadanon siya kan hinangos kan Kagurangnan na Jesus asin tutunawon siya kan saiyang mamurawayon na pagpahiling sa oras nin saiyang pagdatong.

Josue 22:22

“An Mapangyari iyo an Dios! Siya iyo an Kagurangnan! An Mapangyari iyo an Dios! Siya iyo an Kagurangnan! Aram niya kun tano ta ginibo mi ini, asin boot mi man na makaaram kamo. Kun kami nagtumang asin dai nagin maimbod sa Kagurangnan, gadana nindo kami!

Kapahayagan 10:7

Sa oras na patanogon na kan ikapitong anghel an trompeta niya, maootob na an hilom na plano nin Dios, siring sa ipinahayag niya sa saiyang mga sorogoon na propeta.”

Kapahayagan 12:14

Alagad tinawan an babae nin duwang pakpak nin dakulang agila, tanganing makalayog siya, harayo sa dragon, pasiring sa kalangtadan, saen aatamanon siya sa laog nin tolo may kabangang taon.

Kapahayagan 13:1

Dangan nahiling ko an sarong hayop na nagbubutwa sa dagat. May sampolong sungay idto saka pitong payo. Igwa nin korona an lambang sungay; asin sa lambang payo may nakasurat na ngaran na naglalanghad sa Dios.

Kapahayagan 17:17

Huli ta itinanom nin Dios sa mga puso ninda an pag-otob kan saiyang katuyohan, sa paagi kan pagkasararo ninda asin kan pagtao ninda kan saindang kapangyarihan sa hayop na magsakop sagkod na maotob an mga tataramon nin Dios.

Kapahayagan 17:3

Sinangkoban ako kan Espiritu, dangan dinara ako kan anghel duman sa sarong kalangtadan. Nahiling ko duman an sarong babaeng nakatukaw sa sarong hayop na pula an kolor, na igwang nakasurat na mga mararaot na ngaran sa bilog na hawak kaiyan tumang sa Dios. An hayop may pitong payo saka sampolong sungay.