Daniel 11:27 - Marahay na Bareta Biblia

²⁷ An duwang hade matukaw sa sarong lamesa tanganing magkakan, alagad parehong maraot an nasa isip ninda asin magpuputik sinda sa lambang saro. Dai ninda makakamtan an saindang minamawot huli ta dai pa minaabot an panahon para sa bagay na iyan.

Daniel 11:27 ပူးပေါင်းရင်းမြစ်များ

2 Samuel 13:26

Alagad nagsabi si Absalom, “Kun siring, pwede mo daw tugotan na magduman an tugang kong si Amnon?” “Tadaw ta kaipuhan na mag-iba si Amnon saimo?” an hapot kan hade.

Salmo 12:2

An lambang saro nagpuputik sa saiyang kapwa; an saindang dila asin puso pano nin kaputikan.

Salmo 52:1

O dakulang tawo, tadaw ta ipinaghahambog mo an saimong karatan, na ginibo mo tumang sa tawong banal?

Salmo 58:2

Bako! Mga karatan an mukna kan saindong mga puso; dahas an gibo sa daga kan saindong mga kamot.

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Salmo 64:6

Siisay an makakaaram kan mga maraot tang gibo? Areglado nanggad an satong mga plano.” Hararom an puso saka isip nin tawo!

Mga Talinhaga 12:20

An kadayaan iyo an nasa puso kan mga nag-iisip nin karatan, alagad igwa nin kaogmahan an nagpaplano nin karahayan.

Mga Talinhaga 19:21

Kadakul kan mga plano nin sarong tawo, alagad an kabotan nin Kagurangnan an magdadanay.

Mga Talinhaga 26:23

An magayon na pagtaram na nagtatahob nin madayang puso garo makintab na pintura sa baratong tapayan.

Ezekiel 17:9

“Kaya ako, an Kagurangnan Dios, naghahapot: Mabubuhay daw asin magtatalubo an balagon na ini? Dai daw iyan gagaboton kan enot na agila, puputolon an mga sanga dangan papabayaan na maalang? Dai na kaipuhan an sarong makosog na kamot o sarong mapangyaring nasyon tanganing gaboton iyan.

Daniel 10:1

Kan ikatolong taon kan paghahade ni Ciro sa Persia, sarong mensahe an ipinahayag ki Daniel na inaapod man Beltesazzar. Totoo an mensahe alagad masakit na masabotan. Ipinaliwanag idto saiya sa paagi nin sarong bisyon.

Daniel 11:28

Mapuli an hade nin Siria dara an dakulang kayamanan na sinamsam niya, alagad raraoton niya ngona an relihiyon kan banwaan nin Dios. Gigibohon niya an nasa saiyang isip dangan mabalik siya sa sadiri niyang daga.

Daniel 11:29

“Dai mahahaloy, sasalakayon niya giraray an Egipto, alagad bakong arog kan dati an magigin bunga kaiyan.

Daniel 11:35

Gagadanon an nagkapira sa mga madonong na lider, alagad an magigin bunga kaiyan iyo an paglinig kan banwaan. Padagos na mangyayari ini sagkod na mag-abot an kataposan, an panahon na itinalaan nin Dios.

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Daniel 8:17

Nagdolok sako si Gabriel asin nagtindog sa kataed ko. Natakot ako nin marahay kaya natumba ako sa daga. Nagsabi siya sako, “Aki nin tawo, saboton mo na an bisyon ipinapanongod sa kataposan kan kinaban.”

Daniel 8:19

Nagsabi siya, “Ipinapahiling ko saimo an magigin bunga kan kaanggotan nin Dios. An bisyon ipinapanongod sa panahon kan kataposan.

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Mga Gibo 1:7

Nagsimbag si Jesus, “An mga aldaw asin an mga panahon itinalaan kan sakong Ama huli kan saiyang kapangyarihan; dai nasa saindo an pakaisi kaiyan.

Mga Gibo 17:31

Huli ta nagtalaan an Dios nin sarong aldaw na huhukoman niya an kinaban sa katanosan, sa paagi nin sarong tawo na pinili niya. Ini pinatotoohan niya sa gabos kan buhayon niya liwat an tawong iyan!”

1 Tesalonica 5:1

Dai na kaipuhan na suratan pa kamo, mga tugang, dapit sa mga oras saka panahon kun nuarin mangyayari an mga bagay na ini.