Daniel 11:25 - Marahay na Bareta Biblia

²⁵ “Matipon siya nin sarong dakulang hukbo tanganing salakayon an hade nin Egipto, na maandam man tanganing makilaban saiya kaiba an sarong dakula asin mapangyaring hukbo. Alagad madadaya an hade nin Egipto asin dai manggagana.

Daniel 11:25 ပူးပေါင်းရင်းမြစ်များ

Mga Talinhaga 15:18

An mainit na payo minapoon nin diskutiran, alagad an pagpugol sa sadiri minadara nin katoninongan.

Mga Talinhaga 28:25

An paslo iyo an nagigin dahelan nin iriwal, alagad an nananarig sa Kagurangnan magigin mauswag an buhay.

Daniel 11:10

“Maandam para sa gera an mga aking lalaki kan hade nin Siria asin matipon sinda nin sarong dakulang hukbo. An saro sainda an padagos na masalakay siring sa sarong baha, asin sasalakayon niya an bantayan kan kaiwal.

Daniel 11:2

Ngunyan, sasabihon ko saimo an totoo.” Nagsabi an anghel, “Tolo pang hade an mamamayo sa Persia, na susunodon nin ikaapat na orog na magigin mayaman ki sa gabos sainda. Pag-abot kan panahon na orog na siyang mapangyari saka mayaman, aangaton niya an kahadean nin Grecia.

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Daniel 11:5

“Magigin makosog an hade nin Egipto. Alagad an saro kan saiyang mga opisyal orog na magigin makosog ki sa saiya asin mamamayo nin sarong kahadean na mas dakula.