Daniel 11:24 - Marahay na Bareta Biblia

²⁴ Mayong patanid na sasalakayon niya an sarong mayaman na probinsya asin gigibohon niya an mga bagay na dai pa ginibo kan saiyang mga ginikanan. Dangan babarangaon niya sa saiyang mga parasunod an mga sinamsaman na nakua niya sa gera. Magibo siya nin mga plano sa pagsalakay nin mga bantayan, alagad an saiyang paghahade matatapos tolos.

Daniel 11:24 ပူးပေါင်းရင်းမြစ်များ

Nehemias 9:25

Sinakop kan saimong banwaan an mga pinapusog na syudad, sarong mayaman na daga saka mga harong na pano nin kayamanan, mga bubon na dati nang kinalot, mga olibahan, mga kahoy na namumunga, asin mga ubasan. Nagkarakan sinda kan boot ninda asin sinda, nagtaraba; nag-orogma sinda sa dakulang karahayan na itinao mo sainda.

Mga Talinhaga 17:8

May mga tawo na naghohona na an pagsuhol garo pagsalamangka; nagtutubod sinda na magigibo kaini an gabos na bagay.

Mga Talinhaga 19:6

Kadakul an naghihingowa na makadolok sa haralangkaw na tawo; an lambang saro nagsasabing katood sinda kan mga tawong nagtatao nin karahayan.

Mga Talinhaga 23:7

Aalokon ka niyang magkakan, alagad bako iyan tudok sa boot niya. Kun ano siya iyo man an nasa saiyang isip.

Ezekiel 34:14

Ligtas na pasasabsabon ko sinda sa kabukidan nin Israel, sa mga kapatagan asin sa mga berdeng pasabsaban kan daga.

Ezekiel 38:10

Ini an itinataram nin Kagurangnan Dios ki Gog, “Pag-abot kan panahon na iyan, mapoon kang magplano nin maraot.

Daniel 11:23

Sa paagi nin pakipag-alyansa, dadayaon niya an ibang nasyon. Orog siyang magigin mapangyari maski sadit an saiyang nasyon.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Mga Bilang 13:20

Hilingon nindo kun matubang o bako an daga; kun makahoy o bako. Pagmaisog kamo asin pagbalik nindo, magdara kamo nin nagkapirang prutas.” (Panahon kaidto nin paghinog kan ubas.)

Mateo 9:4

Aram ni Jesus an nasa isip ninda kaya nagsabi siya, “Tadaw ta nag-iisip kamo nin maraot?

Hukom 9:4

Tinawan ninda siya nin setentang pedasong plata na hale sa templo ni Baal-berit, asin itinandan niya an kwartang ini sa mga mayong halagang tawo tanganing mag-iba saiya.