Daniel 11:21 - Marahay na Bareta Biblia

²¹ Nagpadagos sa pagpaliwanag an anghel: “An masunod na hade nin Siria sarong maraot na tawo na mayo nin deretso na magin hade, alagad madatong siyang mayong patanid asin kukuahon niya an kahadean sa paagi nin pandadaya.

Daniel 11:21 ပူးပေါင်းရင်းမြစ်များ

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Isaias 32:5

An sarong lolong dai na igagalang, asin an sarong maraot na tawo dai na aapodon na matanos.

Daniel 11:20

“Dangan may masalihid na sarong hade na masugo nin sarong opisyal tanganing pirit na maningil nin buhis sa mga tawo. Gigibohon niya iyan sa pagpadakul kan kayamanan kan saiyang kahadean. Dai mahahaloy, gagadanon an hadeng idto, alagad bakong sa hayag asin bakong sa gera.”

Daniel 11:32

Huli sa pandadaya, madadagka kan hade an mga nagtalikod sa saindang relihiyon, alagad makikilaban saiya an mga nagsasamba sa Dios.

Daniel 11:34

Mantang nagpapadagos an panggagadan, an banwaan nin Dios maako nin tabang maski an dakul sa mga maapil sainda magibo kaiyan huli sa makasadiring dahelan.

Daniel 11:7

Dai mahahaloy, an saro sa mga kadugo kan reyna iyo an magigin hade. Sasalakayon kaini an hukbo kan hade nin Siria, lalaogon an saindang bantayan, asin dadaogon sinda.

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 7:8

Mantang minamaanan ko an mga sungay, nahiling kong nagtunga an sarong sadit na sungay sa kaibahan kan sampolo. Binulnot kan sadit na sungay an tolo sa sampolo. An sungay na ini igwa nin mga matang arog kan sa tawo, asin sarong ngoso na nagtataram nin kapalangkawan.

Daniel 8:23

“Kun madali na an kataposan kan mga kahadean na idto, asin nagin maraot sinda kaya kaipuhan nang padusahan, magkakaigwa nin sarong hade, na matagas an payo, maraot asin madaya.

Daniel 8:25

Huli sa saiyang katusohan, magigibo niya an anoman na pandadaya. Magigin mahambog siya asin dakul an gagadanon niya na mayo nin patanid. Tutumangan niya an Hade nin mga hade, alagad maroronot siya bakong huli sa kapangyarihan nin tawo.

Daniel 8:9

An saro sa apat na sungay nagsanga nin sadit na sungay, na an kapangyarihan nakakaabot sa habagat saka sa sirangan asin pasiring sa Dagang Panuga.

Nahum 1:14

Iyo ini an ipinagboot nin Kagurangnan dapit sa mga taga Asiria: “Dai sinda magkakaigwa nin kapagarakian na madara kan saindang ngaran. Raraoton ko an mga ladawan na nasa mga templo kan saindang mga dios. Nag-aandam ako nin lulubngan para sa mga taga Asiria—dai sinda maninigong mabuhay!”

1 Samuel 3:13

Tinaraman ko na siya na papadusahan ko sagkod pa man an saiyang pamilya huli kan mga maraot na sinabi kan saiyang mga aking lalaki tumang sako. Aram ni Eli na ginigibo ninda ini, alagad dai niya sinda sinaway.