Daniel 11:19 - Marahay na Bareta Biblia

¹⁹ An hade nin Siria mabalik sa mga bantayan sa sadiri niyang daga, alagad madadaog siya, asin iyan an saiyang magigin kataposan.

Daniel 11:19 ပူးပေါင်းရင်းမြစ်များ

An Libro ni Job 20:8

Mawawara siya siring sa pangatorogan, siring sa sarong bisyon sa banggi, asin dai na mahihiling giraray.

An Libro ni Job 34:24

Maski mayo nin pagsisiyasat, hinahale niya an mga tawong mapangyari, dangan isinasalihid niya an iba sa lugar ninda.

Salmo 27:2

Kun salakayon ako kan mga maraot na tawo asin baloon na gadanon ako, sinda an mapapadungkal saka matutumba.

Salmo 37:35

Nakahiling ako nin maraot na tawo na sarong tirano; luminangkaw siya siring sa sedro nin Lebanon.

Salmo 37:36

Nag-agi ako giraray, asin mayo na siya duman; hinanap ko siya, alagad dai ko siya nakua.

Isaias 24:20

Siring sa sarong burat, masayasay an daga asin masayaw siring sa payag kun igwa nin bagyo. Nagagabatan an kinaban kan saiyang mga kasalan; mabagsak iyan asin dai na makakabangon.

Jeremias 46:6

Alagad dai nakakaharayo an mga marikas magdalagan; dai nakakadulag an mga soldados. Natumba sinda saka nagadan sa may Salog nin Eufrates, sa parteng amihan.

Ezekiel 26:21

Gigibohon takang sarong makatatakot na arogan, asin iyan an magigin kataposan mo. Pwedeng hanapon ka kan mga tawo, alagad dai ka na nanggad ninda makukua.” An Kagurangnan Dios an nagtaram.

Daniel 11:7

Dai mahahaloy, an saro sa mga kadugo kan reyna iyo an magigin hade. Sasalakayon kaini an hukbo kan hade nin Siria, lalaogon an saindang bantayan, asin dadaogon sinda.