Daniel 11:15 - Marahay na Bareta Biblia

¹⁵ Kaya papalibotan kan hade nin Siria an sarong pinakosog na syudad asin sasakopon iyan. An mga soldados nin Egipto maontok sa pakilaban; maski an pinakamarahay sainda mauubosan nin kosog.

Daniel 11:15 ပူးပေါင်းရင်းမြစ်များ

Jeremias 33:4

Ako, an Kagurangnan, an Dios nin Israel, nagsasabi na magagaba an mga harong sa Jerusalem saka an palasyo sa Juda bilang bunga kan pagpalibot saka pagsalakay kan mga kaiwal.

Jeremias 5:10

Susugoon ko an mga kaiwal na raoton an mga ubasan kan sakong banwaan, alagad na dai pagraoton an gabos. Sasabihan ko sinda na putolon an mga sanga, huli ta bako kong sadiri an mga sangang idto.

Jeremias 52:4

kaya nag-abot si Nebukadnezzar kaiba an bilog niyang hukbo dangan sinalakay an Jerusalem kan ikasampolong aldaw kan ikasampolong bulan kan ikasiyam na taon kan paghahade ni Zedekias. Nagkampo sinda sa luwas kan syudad, nagtugdok nin panlaom na mga kudal sa palibot kaiyan,

Jeremias 6:6

Pinagbotan kan Kagurangnan nin mga hukbo an mga hadeng ini na magpalod nin mga kahoy saka magtambak nin mga daga tanganing malaom ninda an Jerusalem. Nagtaram siya, “Papadusahan ko an Jerusalem huli ta syudad ini nin pang-aapi.

Ezekiel 17:17

Maski an mapangyaring hukbo kan hade nin Egipto dai makakatabang saiya sa pakilaban kun an mga taga Babilonia magtambak na nin daga asin magkalot na nin mga trinsera tanganing makagadan nin dakul na tawo.

Ezekiel 4:2

Dangan, bilang pagladawan nin sarong pagsalakay, bugtakan mo nin mga trinsera asin tambakan mo nin daga an palibot kaiyan. Magpatindog ka nin mga kampo sa palibot kaiyan asin bugtakan mo nin mga trosong panrumpag nin kudal an palibot kaiyan.

Daniel 11:14

Dangan dakul na tawo an marebelde laban sa hade nin Egipto asin nagkapirang madahas na lalaki hale sa saimong nasyon, Daniel, an marebelde huli sa sarong bisyon na nahiling ninda, alagad madadaog sinda.

Daniel 11:6

Pakalihis nin nagkapirang taon, makikipag-alyansa an hade nin Egipto sa hade nin Siria asin itatao niya an saiyang aking babae tanganing magin agom kaini asin reyna nin Siria. Alagad dai maghahaloy an alyansa, asin an reyna, an saiyang agom, an saiyang aki, asin an mga sorogoon na nag-iriba saiya gabos gagadanon.

Daniel 8:7

Minasdan ko siyang sinasalakay an lalaking karnero. Anggot siyang marahay asin tinamaan niya an karnero na ikinabari kan duwang sungay kaini. Mayo nin kosog an karnero tanganing umatubang saiya, kaya nakatapok siya sa daga dangan natimaktimakan; mayo nin siisay man na pwedeng magligtas saiya.

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.