Daniel 11:13 - Marahay na Bareta Biblia

¹³ “Dangan an hade nin Siria matipon nin sarong dakulang hukbo na orog pa ki sa naenot. Pag-abot kan tamang panahon, mabalik siya kaiba an sarong dakula asin armadong hukbo.

Daniel 11:13 ပူးပေါင်းရင်းမြစ်များ

Daniel 11:12

Ipaghahambog niya an saiyang kapangganahan asin an kadakul na soldados na saiyang ginadan, alagad dai magdadanay an saiyang kapangganahan.

Daniel 11:14

Dangan dakul na tawo an marebelde laban sa hade nin Egipto asin nagkapirang madahas na lalaki hale sa saimong nasyon, Daniel, an marebelde huli sa sarong bisyon na nahiling ninda, alagad madadaog sinda.

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Daniel 12:7

Initaas kan anghel an duwa niyang kamot dangan nagsumpa sa ngaran kan Daing Kataposan na Dios. Nadangog ko an saiyang sinabi, “Tolong taon may kabanga pa. Pakatapos kan pagpasakit sa banwaan nin Dios, dangan mangyayari an gabos na ini.”

Daniel 4:16

Sa laog nin pitong taon, an saiyang isip magigin siring sa sarong hayop, embes na sa tawo.