Daniel 11:12 - Marahay na Bareta Biblia

¹² Ipaghahambog niya an saiyang kapangganahan asin an kadakul na soldados na saiyang ginadan, alagad dai magdadanay an saiyang kapangganahan.

Daniel 11:12 ပူးပေါင်းရင်းမြစ်များ

2 Mga Hade 14:10

Naghahambog ka ngunyan, Amazias, huli ta nadaog mo an mga Edomita. Magmuraway ka sa saimong kabantogan asin mag-erok ka sa saimong harong. Tano ta naghahanap ka nin ribok na marumpag saimo kaiba an bilog na Juda?”

2 Mga Cronica 25:19

Naghahambog ka ngunyan, Amazias, huli ta nadaog mo an mga Edomita. Alagad sinasabihan taka na magpuli ka na sa saimong harong. Tano ta naghahanap ka nin ribok na marumpag saimo kaiba an bilog na Juda?”

2 Mga Cronica 26:16

Alagad kan makosog na nin marahay si Uzzias, nagin mapaabaw-abaw siya na iyo an dahelan kan saiyang pagbagsak. Sinalungat niya an Kagurangnan na saiyang Dios kan maglaog siya sa Templo tanganing magtutong nin insenso sa altar nin insenso.

2 Mga Cronica 32:25

Alagad huli sa kapaabaw-abawan, dai lamang nagpahiling si Ezekias nin anoman na pasasalamat sa ginibo saiya nin Kagurangnan. Kaya an kaanggotan nin Kagurangnan duminatong saiya, sa Juda asin sa Jerusalem.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Ezekiel 28:17

Nagpaabaw-abaw ka huli kan saimong pagkagwapo, asin an kabantogan mo iyo an nagdagka saimo na mamuhay na garo lolong. Huli kaini, itinapok taka sa daga dangan binayaan bilang sarong patanid para sa ibang mga hade.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Ezekiel 28:5

Huli kan dakula mong kadonongan sa negosyo, nadagdagan an saimong kayamanan, asin nagin mapaabaw-abaw ka huli kaiyan.

Daniel 11:11

Sa kaanggotan, makikilaban an hade nin Egipto sa hade nin Siria asin sasakopon niya an dakulang hukbo kaini.

Daniel 11:13

“Dangan an hade nin Siria matipon nin sarong dakulang hukbo na orog pa ki sa naenot. Pag-abot kan tamang panahon, mabalik siya kaiba an sarong dakula asin armadong hukbo.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Daniel 8:25

Huli sa saiyang katusohan, magigibo niya an anoman na pandadaya. Magigin mahambog siya asin dakul an gagadanon niya na mayo nin patanid. Tutumangan niya an Hade nin mga hade, alagad maroronot siya bakong huli sa kapangyarihan nin tawo.

Deuteronomio 8:14

dai nanggad kamo magpalangkaw asin makalingaw sa Kagurangnan na saindong Dios, na nagluwas saindo hale sa daga nin Egipto, saen kamo nagin mga oripon.

1 Timoteo 3:6

Dapat haloy na siyang paratubod, ta kun bako, tibaad magin siyang mapaabaw-abaw asin mahatolan man siya arog kan Diablo.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”