Daniel 10:7 - Marahay na Bareta Biblia

⁷ Ako sana an nakahiling kan bisyon. An mga lalaking kaiba ko mayong nahiling na anoman, alagad nagkatarakot sinda asin nagdaralagan patin nagtarago.

Daniel 10:7 ပူးပေါင်းရင်းမြစ်များ

Genesis 3:10

Nagsimbag siya, “Nadangog taka sa tatamnan; natakot ako kaya nagtago ako huli ta huba ako.”

Isaias 2:10

Magtago kamo sa mga lungib sa kagapoan asin sa mga kalot sa daga; magdulag kamo sa atubang kan kaanggotan nin Kagurangnan, patin sa kamurawayan nin saiyang kamahalan.

Jeremias 23:24

Mayo nin siisay man na makakatago sa arin man na lugar na dai ko mahihiling. Dai nindo naaaraman na yaon ako maski saen na lugar sa langit saka sa daga?

Ezekiel 12:18

“Aki nin tawo, magtakig ka mantang nagkakakan, asin mangobogkobog ka sa takot mantang nag-iinom.

Mga Gibo 22:9

Nahiling kan mga kairiba ko an liwanag alagad dai ninda nadangog an tingog kan nagtaram sako.

Mga Gibo 9:7

An mga lalaking kaiba ni Saulo nagkamorongnan huli ta nadangog man ninda an tingog alagad mayo sindang nahihiling na siisay man.

Hebreyo 12:21

Makatatakot an saindang natatanaw, mala ta si Moises nagsabi, “Tinatakigan ako sa takot.”