Daniel 10:16 - Marahay na Bareta Biblia

¹⁶ Dangan an sakong ngabil dinutaan kan anghel, na nakakaagid sa sarong lalaki, asin nakataram ako. Sinabihan ko siya, “Kagurangnan, pinapanluya ako kan bisyon na ini kaya dai ko napapaontok an sakong pagtakig.

Daniel 10:16 ပူးပေါင်းရင်းမြစ်များ

Exodo 4:10

Alagad nagsabi si Moises, “Hare ako pagsugoa, Kagurangnan. Maluya asin kamol akong magtaram. Dati akong maluyang magtaram poon kaidto sagkod ngunyan na makipag-olay ka sako.”

Exodo 4:13

Alagad nagsimbag si Moises, “Kagurangnan, nakikimaherak ako na iba na sana an sugoon mo.”

Parahulit 1:18

Kun mas madonong ka, mas dakul man an saimong kahaditan; kun mas dakul an saimong naaaraman, mas dakul man an saimong kamondoan.

Isaias 6:7

Dinutaan niya kan baga an sakong mga ngabil dangan nagsabi, “Nadutaan na kaini an saimong mga ngabil; mayo na an saimong karatan, asin pinatawad na an saimong mga kasalan.”

Jeremias 1:9

Dangan inunat nin Kagurangnan an saiyang kamot, dinutaan an sakong ngoso, saka sinabihan ako, “Paghinanyog, itinatao ko saimo an mga tataramon na dapat mong itaram.

Ezekiel 1:26

Sa ibabaw kan arko igwa nin garo trono na gibo sa safiro; asin nagtutukaw sa trono an sarong garo tawo.

Ezekiel 3:27

Dangan kun magtaram giraray ako saimo, bubukasan ko an saimong ngoso asin tataraman mo sinda na ako, an Kagurangnan Dios, an nagtataram. An iba sainda madangog alagad an iba dai, huli ta saro sindang nasyon nin mga rebelde.”

Ezekiel 33:22

Kan bisperang banggi kan saiyang pag-abot namatean ko an mapangyaring presensya nin Kagurangnan. Pagkaaga, pag-abot kan lalaki, ibinalik na sako nin Kagurangnan an kapangyarihan sa pagtaram dangan bako na akong pola.

Daniel 12:8

Nadangog ko an saiyang sinabi alagad dai ko nasabotan, kaya naghapot ako, “Kagurangnan, paano matatapos an gabos na ini?”

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 7:15

Natikbahan ako sa mga bisyon na sakong nahiling, asin napurisaw ako nin marahay.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Daniel 8:15

Naghingowa akong masabotan an kahulogan kan bisyon, kan biglang magtunga sa atubang ko an sarong nakakaagid sa tawo.

Daniel 8:17

Nagdolok sako si Gabriel asin nagtindog sa kataed ko. Natakot ako nin marahay kaya natumba ako sa daga. Nagsabi siya sako, “Aki nin tawo, saboton mo na an bisyon ipinapanongod sa kataposan kan kinaban.”

Daniel 8:18

Mantang nagtataram siya, nadismayo ako alagad kinapotan niya ako asin pinatindog.

Daniel 8:27

Nanluya an sakong boot asin naghelang ako sa laog nin nagkapirang aldaw. Dangan nagbangon ako asin nagbalik sa trabahong itinalaan sako kan hade, alagad naribong ako kan bisyon asin dai ko ini nasabotan.

Daniel 9:21

Mantang namimibi ako, si Gabriel, an lalaking nahiling ko sa bisyon, naglayog pasiring sa namumugtakan ko. Panahon kaidto kan pagdolot kan pangbangging atang.

Lukas 1:64

Kan oras man sanang idto nakataram na liwat si Zacarias; asin inomaw niya an Dios.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Juan 20:28

Nagsabi si Tomas, “Kagurangnan ko asin Dios ko!”

Josue 5:14

“Bako ako maski arin sa sinabi mo,” an simbag kan lalaki. “Nagdigdi ako bilang pamayo kan hukbo nin Kagurangnan.” Nagdapa si Josue sa pagsamba asin nagsabi, “Sorogoon mo ako, kagurangnan. Ano an boot mong gibohon ko?”

Kapahayagan 1:13

Sa tahaw kan mga kandelero, nakatindog an garo tawong nakagubing nin halaba sagkod sa bitis asin may pahang bulawan sa saiyang daghan.

Hukom 13:8

Dangan namibi si Manoa sa Kagurangnan, “O Kagurangnan, pabalika man samo an sorogoon nin Dios na sinugo mo tanganing sabihan kami kun ano an samong gigibohon sa oras na mamundag an aki.”

Hukom 6:13

Nagsabi si Gideon, “Kun pwedeng maghapot, kagurangnan, tano ta nangyayari sa samo an gabos na ini kun totoong yaon an Kagurangnan sa samo? Ano na an nangyari sa makangalas na mga bagay na inosip samo kan samong mga magurang manongod sa mga ginibo nin Kagurangnan—kun paano niya sinda ilinigtas sa Egipto? Ngunyan pinabayaan na kami nin Kagurangnan asin itinao sa kamot kan mga Midianita.”

Hukom 6:15

Nagsimbag si Gideon, “Paano ko ikakaligtas an Israel? An sakong kamaganakan iyo an pinakamaluya sa tribu ni Manases asin ako an pinakamaluya sa sakong pamilya.”