Daniel 10:12 - Marahay na Bareta Biblia

¹² Dangan nagsabi an anghel, “Daniel, dai ka matakot. Dinangog nin Dios an saimong mga pamibi poon pa kan enot na aldaw na nagpakumbaba ka tanganing makakua nin pakasabot. Napadigdi ako bilang kasimbagan sa saimong pamibi.

Daniel 10:12 ပူးပေါင်းရင်းမြစ်များ

Salmo 69:10

Kan ako nagpakumbaba huli sa pag-ayuno, tinuya-tuya ako kan mga tawo.

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 58:9

Kun mamibi kamo, sisimbagon ko kamo. Kun mag-apod kamo sako, masimbag ako. “Kun ontokon nindo an pang-api, an pagmenos sa kapwa, asin an pagtaram nin maraot na tataramon;

Isaias 65:24

Maski dai pa sinda nakakatapos kan pagpamibi, sisimbagon ko na sinda.

Daniel 10:11

Nagsabi sako an anghel, “Daniel, namomotan ka nin Dios. Tumindog ka asin hinanyoga an sakong sasabihon. Ako an sinugo saimo.” Pakataram niya kaini, nagtatakig akong nagtindog.

Daniel 10:19

Nagsabi siya, “Lalaking namomotan nin marahay, dai ka matakot, mapasaimo an katoninongan; magmakosog ka asin magmaisog.” Pakasabi niya kaini, namatean kong orog akong nagkosog asin nagsabi ako, “Kagurangnan, tarami ako kan sasabihon mo huli ta napakosog mo na ako.”

Levitico 16:29

An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 16:31

An aldaw na iyan sarong sabbath para sainda; aldaw iyan nin pag-ayuno asin pagpahingalo. An mga pagsusundon na ini kaipuhan na kuyogon sa gabos na panahon.

Mga Bilang 29:7

Sa ikasampolong aldaw kan ikapitong bulan magtiripon kamo sa pagsamba; mag-ayuno kamo saka dai magtrabaho.

Mateo 28:10

Sinabihan sinda ni Jesus, “Dai kamo matakot. Sabihan nindo an mga tugang ko na magduman sinda sa Galilea, ta duman ninda ako mahihiling.”

Mateo 28:5

Nagtaram an anghel sa mga babae, “Dai kamo matakot. Aram kong hinahanap nindo si Jesus na ipinako sa krus.

Markos 16:6

“Dai kamo matakot,” an sabi kan lalaki. “Hinahanap nindo si Jesus na taga Nazaret na ipinako sa krus. Mayo na siya digdi—nabuhay siya liwat! Hilinga nindo an lugar na hinutadan ninda saiya.

Lukas 1:13

Alagad sinabihan siya kan anghel, “Dai ka matakot, Zacarias! Dinangog nin Dios an pamibi mo; mangangaki nin lalaki an saimong agom, asin Juan an ingangaran mo sa aki.

Lukas 1:30

Kaya sinabihan siya kan anghel, “Dai ka matakot, Maria, huli ta nawiwilihan ka nin Dios.

Lukas 2:10

Alagad sinabihan sinda kan anghel, “Dai kamo matakot! May dara akong marahay na bareta para saindo na magtatao nin dakulang kaogmahan sa gabos na tawo.

Lukas 24:38

Alagad sinabihan sinda ni Jesus, “Tadaw ta nagkakamurongnan kamo sa takot? Tadaw ta nagdududa kamo?

Mga Gibo 27:24

Sinabihan ako kan anghel, ‘Dai ka matakot, Pablo, huli ta kaipuhan umatubang ka ki Cesar; dahel saimo, ililigtas nin Dios sa kagadanan an gabos na kaiba mo sa barko.’

Kapahayagan 1:17

Kan mahiling ko siya, garo gadan akong natumba sa pamitisan niya. Alagad dinutaan niya ako kan saiyang toong kamot saka sinabihan ako, “Dai ka matakot! Ako an enot asin an huri;