Daniel 1:8 - Marahay na Bareta Biblia

⁸ Nagdesisyon si Daniel na dai niya didigtaan an sadiri huli sa pagkakan kan kakanon asin sa pag-inom kan arak na hale sa palasyo, kaya hinagad niya ki Aspenaz na tabangan siya.

Daniel 1:8 ပူးပေါင်းရင်းမြစ်များ

1 Mga Hade 5:5

An Kagurangnan nanuga sa ama kong si David, ‘An saimong aki na gigibohon kong hade bilang kasalihid mo iyo an mapatugdok nin templo para sako.’ Kaya nagdesider akong magpatindog nin templo para sa ngaran nin Kagurangnan na sakong Dios.

Salmo 106:28

Dangan nagsamba sinda ki Baal duman sa Peor; nagkakan kan mga atang para sa gadan.

Salmo 119:106

Ootobon ko an sakong banal na panuga na kukuyogon an saimong matanos na mga katukdoan.

Salmo 119:115

Humarayo kamo sa sako, mga paragibo nin maraot, tanganing maotob ko an mga katogonan nin sakong Dios.

Salmo 141:4

Likayan an puso ko sa anoman na maraot asin sa paggibo nin mga karatan, kaiba kan mga paragibo nin kasombikalan. Hare ako pagpaayona sa saindang mga pyesta.

Mga Talinhaga 23:3

Dai ka magpakapaslo sa masiram na kakanon na inandam niya, huli ta tibaad boot ka sana niyang dayaon.

Daniel 1:5

Nagboboot man an hade na tawan sinda aroaldaw kan parehong pagkakan saka arak na itinatao sa pamilya kan hade. Pakalihis nin tolong taon nin pag-aadal, maatubang sinda sa hade.

Daniel 5:4

Nag-irinom sinda nin arak, asin nag-oromaw sa mga dios-dios na gibo sa bulawan, plata, bronse, lansang, kahoy, saka gapo.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Mga Gibo 15:20

Tama na an pagsurat sainda na dai magkakan nin kakanon na idinolot sa mga dios-dios, na dai magdorog sa bako ninda agom, asin dai magkakan kan karne nin tinook na hayop o kan dugo.

1 Corinto 7:37

Alagad kun habo talaga an lalaki na magpakasal sinda, kun talagang nakakapugol siya kan saiyang namamatean, asin haman na sa isip niya kun ano an dapat niyang gibohon, marahay na dai na niya pakasalan an namomotan niya.

2 Corinto 9:7

Kaya an lambang saro dapat na magtao sosog sa saiyang pinagmarahay, bakong tumang sa boot o napipiritan sana, huli ta an Dios namomoot sa maogmang paratao.

Deuteronomio 32:38

Pinakakan nindo sinda kan taba kan saindong mga atang, pinainom nindo sinda kan dolot na arak. Padigdiha sinda tanganing tabangan kamo; padoloka sinda sa pagligtas saindo.