Daniel 1:7 - Marahay na Bareta Biblia

⁷ An mga ini tinawan nin bagong ngaran kan pangenot na opisyal: si Daniel inapod Beltesazzar; si Hananias, Sadrak; si Misael, Mesak; asin si Azarias, Abednego.

Daniel 1:7 ပူးပေါင်းရင်းမြစ်များ

Genesis 41:45

Dangan si Jose nginaranan Zafenat Panea kan hade, asin tinawan siya kaini nin agom, si Asenat, an aki ni Potifera na sarong padi sa On. Treynta na an edad ni Jose kan magpoon siyang maglingkod sa hade nin Egipto. Pakahale niya sa atubang kan hade, naglibot siya sa bilog na daga.

2 Mga Hade 23:34

Si Eliakim, na aking lalaki ni Josias, iyo an ibinugtak ni Neco na hade nin Juda bilang kasalihid ni Josias, dangan an ngaran niya rinibayan ni Neco nin Jehoiakim. Si Joahaz dinara ni Neco sa Egipto, asin duman siya nagadan.

2 Mga Hade 24:17

Si Mattanias na tiyo ni Jehoiakin iyo an ibinugtak ni Nebukadnezzar na hade nin Juda bilang kasalihid ni Jehoiakin; dangan an ngaran niya rinibayan ni Nebukadnezzar nin Zedekias.

Daniel 1:19

Kinaolay sinda gabos kan hade, asin nahiling niyang mas marahay ki sa gabos si Daniel, Hananias, Misael, asin Azarias, kaya sinda an napiling maglingkod sa hade.

Daniel 1:3

Pinagbotan kan hade si Aspenaz, an saiyang pangenot na opisyal, na magpili nin nagkapirang hoben na lalaki hale sa kadaklan kan Israelitang nabihag. An mga hoben na lalaking ini hale sa pamilya kan hade asin kan mga prinsipe.

Daniel 10:1

Kan ikatolong taon kan paghahade ni Ciro sa Persia, sarong mensahe an ipinahayag ki Daniel na inaapod man Beltesazzar. Totoo an mensahe alagad masakit na masabotan. Ipinaliwanag idto saiya sa paagi nin sarong bisyon.

Daniel 2:26

Sinabihan kan hade si Daniel (na inaapod man Beltesazzar), “Masasabi mo daw sako kun ano an sakong pangatorogan asin kun ano an kahulogan kaiyan?”

Daniel 2:49

Sa pakiolay ni Daniel, si Sadrak, Mesak, asin Abednego ginibo kan hade na mamahala kan palakaw kan probinsya nin Babilon; alagad nagdanay si Daniel sa palasyo.

Daniel 4:5

Alagad nagkaigwa ako nin sarong makatakot na pangatorogan asin nahiling ko an makangirhat na mga bisyon mantang nagkakatorog ako.

Daniel 4:8

Dangan inatubang man sako si Daniel. (Inaapod man siyang Beltesazzar, na isinunod sa ngaran kan sakong dios.) Yaon saiya an espiritu kan banal na mga dios, kaya sinabi ko saiya an sakong pangatorogan. Sinabihan ko siya:

Daniel 5:12

Igwa siya nin nalalaen na kakayahan, pakaaram asin pakasabot sa pagpahayag nin mga pangatorogan, sa pagsimbag nin mga paukod, dangan sa pagpaliwanag nin mga misteryo; kaya ipakua mo an lalaking si Daniel na nginaranan Beltesazzar kan hade, asin sasabihon niya saimo an kahulogan kan gabos na ini.”