Daniel 1:19 - Marahay na Bareta Biblia

¹⁹ Kinaolay sinda gabos kan hade, asin nahiling niyang mas marahay ki sa gabos si Daniel, Hananias, Misael, asin Azarias, kaya sinda an napiling maglingkod sa hade.

Daniel 1:19 ပူးပေါင်းရင်းမြစ်များ

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Jeremias 15:19

Sinimbag ako nin Kagurangnan, “Kun magbalik ka, aakoon taka asin magigin sorogoon taka giraray. Kun magpapahayag ka nin sarong mahalagang mensahe, embes na magparataram ka kan bagay na mayo nin halaga, gigibohon taka giraray na propeta. Madorolok giraray saimo an mga tawo asin dai mo na kaipuhan na magduman sainda.

Daniel 1:18

Pakalihis kan tolong taon na itinalaan kan hade, an gabos na hoben na lalaki dinara ni Aspenaz ki Nebukadnezzar.

Daniel 1:4

Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Daniel 1:5

Nagboboot man an hade na tawan sinda aroaldaw kan parehong pagkakan saka arak na itinatao sa pamilya kan hade. Pakalihis nin tolong taon nin pag-aadal, maatubang sinda sa hade.

Daniel 1:6

Kaiba sa mga napili iyo si Daniel, Hananias, Misael asin Azarias, na gabos hale sa tribu ni Juda.

Daniel 1:7

An mga ini tinawan nin bagong ngaran kan pangenot na opisyal: si Daniel inapod Beltesazzar; si Hananias, Sadrak; si Misael, Mesak; asin si Azarias, Abednego.

Daniel 2:13

Kaya ipinaluwas an pagboot na gadanon sinda gabos, kaiba si Daniel asin an saiyang mga katood.

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”