Colosas 4:6 - Marahay na Bareta Biblia

⁶ An saindong pakipag-olay sainda, kaipuhan danay na marahay saka makawiwili, asin kaipuhan tatao kamong magsimbag sa lambang saro.

Colosas 4:6 ပူးပေါင်းရင်းမြစ်များ

1 Mga Cronica 16:24

Ipahayag sa mga nasyon an saiyang kamurawayan, an mga ngangalasan niya sa tahaw kan gabos na banwaan.

Salmo 105:2

Awiton nindo an awit nin pag-omaw sa saiya; ibareta an gabos na ngangalasan na ginibo niya.

Salmo 119:13

Sa makosog na tingog sakong ipapahayag an gabos mong togon.

Salmo 119:46

Ibabareta ko man sa mga hade an saimong mga kabotan, asin dai ako mamumugtak sa kasopogan;

Salmo 45:2

Ika an pinakagwapo sa mga kalalakihan; ika sarong marahay na parataram; kaya benebendisyonan ka nin Dios sagkod lamang.

Salmo 66:16

Madya asin pagdangog, kamo gabos na may pagkatakot sa Dios, asin sasabihan ko kamo kan ginibo niya sako.

Mga Talinhaga 10:21

An mga tataramon kan matanos papakinabangan nin dakul na tawo, alagad pwedeng magadan an lolong huli kan saiyang kapatalan.

Mga Talinhaga 15:4

An marahay na mga tataramon minataong buhay, alagad an matarom na dila nakakakulog nin boot.

Mga Talinhaga 15:7

An pakaaram pinapalakop kan mga tawong madonong, bako kan mga lolong.

Parahulit 10:12

An tataramon nin sarong madonong na tawo nagdadara saiya nin kaomawan; alagad an lolong nararaot kan sadiri niyang mga tataramon.

Ezekiel 43:24

dangan darahon mo sako. Aasinan iyan kan mga padi dangan tututongon bilang sarong tinutong na atang para sako.

Levitico 2:13

An gabos na dolot na gibo sa arina kaipuhan may timplang asin. An asin iyo an tanda kan tipan na satong ginibo. (Kaya bugtakan nindo nin asin an gabos nindong dolot.)

Mateo 5:13

“Kamo an asin kan kinaban. Kun mawaran nin asgad an asin, paano pang mapaasgad iyan? Dai na iyan nin pakinabang, kaya inaapon na sana dangan binabatayan nin mga tawo.

Markos 9:50

An asin marahay; alagad kun mawaran iyan nin asgad paano nindo mapapaasgad iyan? Magkaigwa kamo nin sa asin na kalidad dangan mamuhay kamo sa katoninongan.”

Lukas 4:22

Inomaw siya kan gabos; nagngalas sinda kan magayon na mga tataramon na sinabi niya. Olay ninda, “Bakong iyo ini an aki ni Jose?”

Efeso 4:29

Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Deuteronomio 11:19

Itukdo nindo an mga iyan sa saindong mga aki. Sambiton nindo iyan sainda kun kamo nagtutukaw sa harong o kun kamo nasa paglakaw; kun kamo nagpapahingalo o kun kamo nagtatrabaho.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

1 Pedro 3:15

Galangan nindo sa saindong puso si Cristo bilang Kagurangnan. Magin andam kamo sa gabos na oras sa pagsimbag sa kiisay man na maghagad saindo nin paliwanag dapit kan paglaom na yaon saindo.