Colosas 3:9 - Marahay na Bareta Biblia

⁹ Dai kamo magputik sa lambang saro, huli ta hinuba nindo an daan na pagkatawo kaiba an mga maraot na ugale kaiyan,

Colosas 3:9 ပူးပေါင်းရင်းမြစ်များ

Mga Talinhaga 13:5

Ikinakaongis kan matanos na tawo an kaputikan, alagad makasosopog saka maraot an mga tataramon kan tampalasan.

Isaias 63:8

Nagsabi an Kagurangnan, “Banwaan ko sinda; dai ninda ako dadayaon.” Kaya ilinigtas niya sinda

Levitico 19:11

“Dai kamo maghabon o magdaya o magputik.

Sofonias 3:13

An matatada sa banwaan nin Israel dai magibo nin maraot sa kapwa, dai magpuputik o mandadaya. Magigin mauswag sinda asin matiwasay, dai sinda matatakot sa kiisay man.”

Zacarias 8:16

Iyo ini an mga bagay na dapat nindong gibohon: an katotoohan sana an ipagtaram nindo sa saindong kapwa. Sa mga hukoman, itao nindo an totoong hustisya—an hustisya na nagdodolot nin katoninongan.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

Roma 6:6

Aram ta na an dati tang pagkatawo ipinako sa krus kaiba ni Cristo, tanganing malaglag an makasalan na hawak asin dai na kita magin oripon nin kasalan.

Efeso 4:22

Kaya hubaon na nindo an daan na pagkatawo na pinaraot kan saindong mga marumpot na kamawotan.

Efeso 4:25

Kaya dai na kamo magputik! An lambang saro magtaram nin totoo sa tugang niya, huli ta kita gabos kabtang kan saro sanang hawak ni Cristo.

Colosas 3:8

Alagad ngunyan dai na nindo paggibohon an mga bagay na ini: kaanggotan, pagkaongis, maraot na boot, pagpakaraot saka mga rapsak na tataramon.

1 Timoteo 1:10

para sa mga marigsok asin mga nakikidorog sa kapareho nindang lalaki o babae, para sa mga parakidnap, mga putikon, mga nagsasaksi nin putik, saka sa mga naggigibo nin anoman na tumang sa tamang katukdoan.

Kapahayagan 21:27

Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.