Colosas 3:7 - Marahay na Bareta Biblia

⁷ Kaidto namuhay kamo sa mga gaweng iyan huli ta sakop an buhay nindo kaiyan.

Colosas 3:7 ပူးပေါင်းရင်းမြစ်များ

Roma 7:5

Huli ta kan kita nabubuhay pa sosog sa laman, an satong makasalan na mga kamawotan na pinukaw kan Katogonan aktibong marahay sa satuya asin ini nagbubunga nin kagadanan.

1 Corinto 6:11

An iba saindo arog kaiyan kaidto. Alagad pinatawad na kamo kan saindong kasalan; idinolot na kamo sa Dios. Nagin matanos na kamo sa Dios huli ki Jesu-Cristong Kagurangnan asin huli kan Espiritu nin satong Dios.

Efeso 2:2

An sinunod nindo kaidto iyo an maraot na gawe kan kinaban na ini; sinunod nindo an prinsipe kan kapangyarihan sa kahiwasan, an espiritu na nagsasakop kan mga aking masombikal sa Dios.

Colosas 2:13

Kaidto, gadan kamo huli kan saindong mga kasalan asin huli ta mga pagano kamo na mayo kan Katogonan. Alagad tinawan kamo nin Dios nin bagong buhay kaiba ni Cristo! Pinatawad kita nin Dios kan gabos tang kasalan.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.