Colosas 3:2 - Marahay na Bareta Biblia

² An isipon nindo iyo an mga bagay duman sa langit, bakong an mga bagay digdi sa daga.

Colosas 3:2 ပူးပေါင်းရင်းမြစ်များ

1 Mga Cronica 22:19

Kaya maglingkod kamo sa Kagurangnan na saindong Dios sa bilog nindong puso asin kalag. Poonan na nindo an pagtugdok kan Templo, tanganing ikabugtak nindo diyan an Kaban nin Tipan nin Kagurangnan saka an banal na mga kagamitan para sa pagsamba saiya.”

1 Mga Cronica 29:3

Laen pa kaini, bilang dagdag sa mga inandam ko para sa Templo, hale sa sadiri kong kayamanan nagtao na ako nin bulawan saka plata, huli kan sakuyang pagkamoot sa Templo nin Dios.

Salmo 62:10

Hare pagbugtakan an saindong pagsarig sa dahas; hare paglaom sa panghahabon; maski pa magdakul an saindong kayamanan, an saindong puso dai nindo ibugtak diyan.

Salmo 91:14

“Ililigtas ko siya, huli ta ako saiyang namomotan,” olay nin Kagurangnan. “Aatamanon ko siya, huli ta aram niya an sakong ngaran.

Mga Talinhaga 23:5

Pwedeng bigla sanang mawara an saimong kwarta, na garo nagkaigwa ini nin mga pakpak saka luminayog paharayo arog kan agila.

Parahulit 7:14

Mag-ogma ka sa mga aldaw nin kauswagan, asin sa mga aldaw nin kasakitan, giromdoma na an Dios nagpapadara nin kaogmahan siring na nagpapadara siya nin kasakitan. Dai mo nanggad maaraman kun ano an sunod na maabot saimo.

Mateo 16:23

Inatubang niya si Pedro asin sinabihan, “Rumayo ka sako, Satanas! Nakakaolang ka sa ginigibo ko, huli ta an iniisip mo bakong sa Dios, kundi sa tawo.”

Mateo 6:19

“Dai kamo magtipon nin kayamanan para saindo digdi sa daga, saen igwa nin bokbok asin takla na nangraraot, saka igwa nin mga parahabon.

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Lukas 16:11

Kaya kun dai kamo mapapaniwalaan kan kayamanan sa kinaban na ini, siisay an mapaniwala saindo kan tunay na kayamanan?

Filipos 1:23

Masakit para sako an pagpili sa duwang bagay na ini. Mawot ko nang bayaan an buhay na ini asin makaiba ki Cristo, ta iyan an pinakamarahay.

Colosas 3:1

Binuhay kamo liwat kaiba ni Cristo, kaya hanapon nindo an mga bagay na nasa langit, saen nagtutukaw si Cristo sa saiyang trono sa too nin Dios.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).