Colosas 3:16 - Marahay na Bareta Biblia

¹⁶ Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

Colosas 3:16 ပူးပေါင်းရင်းမြစ်များ

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Cronica 25:7

An beynte y kwatrong lalaking ini asin an kapwa ninda mga Levita gabos eksperto sa musika. An kabilogan na bilang ninda uminabot sa dos syentos otsenta y otso.

Nehemias 12:46

Magpoon kan panahon ni David saka ni Asaf, an mga parakanta iyo an nangenot sa mga awit nin pag-omaw saka pagpasalamat sa Dios.

An Libro ni Job 23:12

Danay kong ginigibo an mga pagboot nin Dios; kinukuyog ko an saiyang kabotan, bakong an sakong mga kamawotan.

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Salmo 119:54

Sa sakong paglakaw digdi sa daga, an saimong mga kabotan iyo an nagin sakong mga awit.

Salmo 138:1

Pinapasalamatan taka, Kagurangnan, sa bilog kong puso; sa atubang kan mga dios inaawit ko an saimong kaomawan.

Salmo 28:7

Sakong kosog asin kalasag an Kagurangnan; puso ko siya an sinasarigan. Puso ko nag-oogma ta ako tinabangan; bilang pasalamat siya sakong inaawitan.

Salmo 32:7

Ika an sakong lugar na tagoan; iliniligtas mo ako sa kasakitan. Makosog akong nag-aawit kan saimong kaligtasan, huli ta ako saimong iniingatan.

Salmo 71:23

Sa pag-awit ko kan saimong kaomawan, an sakong ngoso magkukurahaw sa kaogmahan, siring man an kalag ko na saimong tinabangan.

Mga Talinhaga 14:8

Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Mga Talinhaga 18:1

An tawong mayo nin iniisip kundi an saiyang sadiri, dai tataong makiiba sa kapwa; asin sasalungaton niya an lambang marahay na kaisipan nin iba.

Awit nin mga Awit 1:1

Iyo ini an pinakamagayon sa mga awit ni Solomon.

Isaias 10:2

Siring kaiyan an pag-olang nindo sa mga dukha tanganing dai ninda makamtan an katanosan asin an hustisya. Iyan an paagi nindo sa pagkua kan mga rogaring kan mga balong babae saka mga ilo.

Isaias 26:1

Maabot an panahon na mag-aawit an mga tawo kan awit na ini sa daga nin Juda: Makosog an samong syudad! An Dios mismo an nagbabantay kan mga kudal kaini!

Isaias 30:29

Alagad kamo, banwaan nin Dios, magigin maogma asin mag-aawit kamo siring kan saindong ginigibo sa pagkabanggi nin sarong banal na pyesta. Magigin maogma kamo siring sa mga naglalakaw sa tugtog kan plawta pasiring sa Templo nin Kagurangnan, an Gapo nin Israel.

Isaias 5:1

Pagdangog mantang inaawit ko an awit na ini, sarong awit manongod sa sakong katood asin sa saiyang ubasan: Igwang ubasan an sakong katood sa sarong matubang na bulod.

Jeremias 15:16

Nagtaram ka sako, asin dinangog ko an lambang tataramon mo. Sadiri mo ako, Kagurangnan Dios nin mga hukbo, kaya an saimong tataramon kaogmahan asin kagayagayahan kan sakong puso.

Mateo 26:30

Pakatapos nindang mag-awit nin himno, nagduman sinda sa Bukid nin mga Oliba.

Lukas 2:51

Uminiba sainda si Jesus sa Nazaret asin nagin makinuyog-kuyog siya sainda. An gabos na ini rinimpos kan saiyang ina sa puso niya.

Juan 15:7

Kun magdanay kamo sako, asin magdanay saindo an mga tataramon ko, makakamtan nindo an anoman na hagadon nindo.

Roma 10:17

Kaya an pagtubod bunga kan pagdangog sa mensahe; an mensahe bunga kan paghulit dapit ki Cristo.

Roma 15:14

Mga tugang, naniniwala ako na kamo talagang marahay na mga tawo, pano nin pakasabot asin tataong maghinulitan.

1 Corinto 14:15

Kun siring, ano an dapat kong gibohon? Mamimibi ako sa espiritu, asin mamimibi man ako sa isip; mag-aawit ako sa espiritu, asin mag-aawit man ako sa isip.

1 Corinto 14:26

Ano an boot kong sabihon, mga tugang? Kun nagtitiripon kamo sa pagsamba, an iba saindo may himno, an iba may katukdoan, an iba may kapahayagan hale sa Dios, may nakakataram sa manlaen-laen na lengwahe; an iba man may kapaliwanagan kaiyan. Gibohon nindo an gabos tanganing magtalubo an simbahan.

Efeso 1:17

hinahagad ko sa Dios ni Jesu-Cristo na satong Kagurangnan, an mamurawayon na Ama, na itao saindo an espiritu nin kadonongan, tanganing masabotan nindo nin orog an kapahayagan dapit sa Dios.

Efeso 5:17

Dai kamo magin lolong, kundi hingowahon nindong masabotan kun ano an kabotan nin Kagurangnan saindo.

Efeso 5:19

Mag-orolay kamo sa paagi nin mga salmo, himno saka mga banal na awit; mag-awit kamo nin mga himno saka mga salmo sa Kagurangnan na nasa puso an pag-omaw saiya.

Efeso 5:26

nganing mapabanal iyan, pakalinigi niya kaiyan sa paagi kan tubig saka kan tataramon.

Colosas 1:28

Kaya ipinaghuhulit mi si Cristo sa gabos na tawo. Pinapatanidan saka tinutukdoan mi an gabos sa bilog ming kadonongan tanganing ikaatubang mi sa Dios an lambang tawo na tunay na banal ki Cristo.

Colosas 1:9

Poon kan maaraman mi iyan, danay mi kamong ipinapamibi. Hinahagad mi sa Dios na masabotan nindo nin marahay an saiyang kabotan, sa paagi kan bilog na kadonongan saka pakasabot na itinatao kan Espiritu.

Colosas 4:6

An saindong pakipag-olay sainda, kaipuhan danay na marahay saka makawiwili, asin kaipuhan tatao kamong magsimbag sa lambang saro.

1 Tesalonica 1:8

Bako sanang an mensahe dapit sa Dios an nakalakop sa bilog na Macedonia asin Grecia sa paagi nindo, kundi pati an bareta manongod sa saindong pagtubod sa Dios nakaabot man sa manlaen-laen na lugar. Kaya dai na kami kaipuhan na magsabi pa nin anoman,

1 Tesalonica 4:18

Kaya magparinanga-rangahan kamo kan mga tataramon na ini.

2 Tesalonica 3:15

Alagad dai nindo siya ibilang na sarong kaiwal, kundi patanidan nindo siya siring sa tugang.

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.

Tito 3:6

Nagsusupay na itinao sato nin Dios an Espiritu Santo sa paagi ni Jesu-Cristo na satong Paraligtas,

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.

Santiago 5:13

Igwa diyan saindo na napupurisaw? Dapat siyang mamibi. Igwa diyan saindong maogma? Mag-awit nin mga pag-omaw.

1 Juan 2:14

Sinusuratan ko kamo, mga aki, huli ta midbid nindo an Ama. Sinusuratan ko kamo, mga ama, huli ta midbid nindo siya na dati nang nagdadanay poon pa sa kapinonan. Sinusuratan ko kamo, mga hoben, huli ta kamo makokosog asin an tataramon nin Dios nagdadanay saindo patin dinaog nindo an Maraot.

1 Juan 2:24

Kaya hingowahon nanggad nindo na magdanay sa saindong mga puso an nadangog nindo poon pa kan magtubod kamo. Kun magdanay iyan sa saindong mga puso, magdadanay man kamo sa Aki asin sa Ama.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.

2 Juan 1:2

huli ta an katotoohan nasa sato asin magdadanay sato sagkod pa man.

Kapahayagan 14:3

Nakatindog an syento kwarenta y kwatro mil katawo sa atubangan kan trono, kan apat na buhay na linalang saka kan mga kamagurangan; nag-aawit sinda nin bagong awit na sinda sana an nakanood, sinda na mga tinubos sa kinaban.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.