Colosas 2:2 - Marahay na Bareta Biblia

² Ginigibo ko ini tanganing kumosog an saindang boot saka mabugkos sinda sa pagkamoot. Sa siring na paagi magkakaigwa sinda kan bilog na kayamanan nin pakasabot saka pakaaram ki Cristo na iyo an misteryo nin Dios.

Colosas 2:2 ပူးပေါင်းရင်းမြစ်များ

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

Salmo 133:1

Hilinga, marahay nanggad asin maogma kun an magturugang nag-eerok na nagkakasararo!

Isaias 32:17

asin an magigin bunga kan katanosan iyo an katoninongan, katiwasayan asin an paglaom sagkod lamang.

Isaias 40:1

“Rangaha nindo an sakong banwaan,” an sinasabi kan satong Dios. “Rangaha nindo sinda!

Isaias 53:11

Pakatapos kan gabos niyang kasakitan, magkakaigwa giraray siya nin kaogmahan; maaaraman niyang dai nasayang an saiyang pagtios. An maimbod kong sorogoon, na sakong nawiwilihan, iyo an mapasan kan padusa kan kadaklan asin huli sa saiya sinda sakong papatawadon.

Jeremias 9:24

Kun may boot mag-orgulyo, ipag-orgulyo niya na namimidbidan asin nasasabotan niya ako, huli ta nagdadanay an sakong pagkamoot, saka ginigibo ko an tama asin matanos. Iyan an mga bagay na nawiwilihan ko. Ako, an Kagurangnan, an nagtaram.”

Mateo 11:25

Kan oras na idto, nagtaram si Jesus, “O Ama, Kagurangnan nin langit asin daga! Nagpapasalamat ako saimo ta ipinahayag mo sa mga mangmang an mga bagay na tinago mo sa mga madonong asin sa mga may inadalan.

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Mateo 13:11

Nagsimbag si Jesus, “Saindo ipinapasabot an mga hilom kan Kahadean nin langit, alagad sainda dai.

Lukas 1:1

Ginagalangan kong Teofilo: Dakul na an nagsurat nin maigot dapit sa mga bagay na nangyari sa tahaw nyato.

Juan 10:30

Ako asin an Ama saro.”

Juan 10:38

Alagad kun ginigibo ko iyan, maski dai kamo magtubod sako, magtubod kamo sa mga ginigibo ko tanganing maaraman nindo na an Ama yaon sako asin ako yaon sa Ama.”

Juan 16:15

An gabos na sadiri kan sakong Ama sadiri ko; kaya sinabi ko na hale sako an ipapahayag saindo kan Espiritu.

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Juan 5:17

Sinabihan sinda ni Jesus, “An sakong Ama nagtatrabaho sagkod ngunyan; siring man ako.”

Juan 5:23

tanganing galangan kan gabos an Aki, arog kan paggalang ninda sa Ama. An dai minagalang sa Aki dai man minagalang sa Ama na nagsugo saiya.

Juan 6:69

Minatubod kami asin aram mi na ika an Banal na gikan sa Dios.”

Mga Gibo 4:32

An gabos na paratubod nagkasararo sa isip asin sa puso. Mayo nin nagsabi na an sadiri niya saiya sana, kundi an gabos na bagay sadiri kan gabos.

Roma 15:13

Panoon logod kamo nin kaogmahan saka katoninongan kan Dios nin paglaom, sa saindong pagtubod saiya, tanganing mag-orog an saindong paglaom huli sa kapangyarihan kan Espiritu Santo.

Roma 16:25

Omawon ta an Dios na iyo an nagpapakosog kan saindong pagtubod, sosog sa Marahay na Bareta dapit ki Jesu-Cristo na ipinaghuhulit ko, asin sosog sa kapahayagan kan misteryo na tinago nin Dios sa haloy nang panahon.

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

1 Corinto 14:31

Kamo gabos na minaako kan tataramon nin Dios pwedeng magtaram, alagad saro-saro sana, tanganing an gabos makanood asin mapakosog an boot.

1 Corinto 2:12

An inako ta bakong an espiritu kan kinaban, kundi an Espiritu na hale sa Dios, tanganing maaraman ta an gabos na balaog na itinao nin Dios sa sato.

Galacia 3:28

Kaya mayo nin kalaenan an Judio sa pagano, an oripon sa bakong oripon, an lalaki sa babae; kamo gabos saro sana ki Cristo Jesus.

Efeso 1:7

Tinubos kita ni Cristo huli kan saiyang dugo, pinatawad kita kan satong mga kasalan, sosog sa kayamanan kan biyaya nin Dios,

Efeso 3:16

Hinahagad ko sa Dios, sa paagi kan saiyang Espiritu, na tawan niya kamo nin kosog nin buhay na espiritwal, gikan sa kayamanan nin saiyang kamurawayan,

Efeso 3:3

Ipinahayag nin Dios an saiyang misteryo saka ipinaaram iyan sako. (Nagsurat ako nin halipot dapit kaini;

Efeso 6:22

Sinusugo ko siya saindo tanganing maaraman nindo an samong kamugtakan saka mapakosog an saindong boot.

Filipos 2:1

Kun pinapakosog kamo kan buhay diyan ki Cristo, rinaranga kan saiyang pagkamoot, nakikisumaro sa Espiritu, igwa kamo nin pagkaherak asin pakidumamay sa lambang saro,

Filipos 3:8

Sa katotoohan an gabos na bagay ibinibilang kong mayo nin halaga, huli kan bagay na pinakamahalaga—an pakamidbid ki Cristo Jesus na sakong Kagurangnan. Huli saiya itinapok ko an gabos na garo basura, tanganing makamtan ko si Cristo,

Colosas 1:26

an misteryo na itinago niya sa gabos na tawo kan mga nakaaging panahon, alagad ngunyan ipinahayag niya sa saiyang mga banal.

Colosas 1:27

Binoot nin Dios na ipahayag sa sainda kun gurano kadakula sa mga pagano an kayamanan kan kamurawayan kan misteryong ini. An misteryo iyo ini: si Cristo nasa saindo, saindong paglaom sa kamurawayan.

Colosas 1:9

Poon kan maaraman mi iyan, danay mi kamong ipinapamibi. Hinahagad mi sa Dios na masabotan nindo nin marahay an saiyang kabotan, sa paagi kan bilog na kadonongan saka pakasabot na itinatao kan Espiritu.

Colosas 2:19

Habo na siyang magpasakop ki Cristo na iyo an payo kan hawak. Si Cristo an nagpapakosog kan bilog na hawak na nagkakasararo huli kan mga ngalongaloan saka mga ugat; asin nagtatalubo iyan sosog sa boot nin Dios.

Colosas 3:14

Orog sa gabos, magkaigwa kamo nin pagkamoot, na iyo an minabugkos kan gabos na bagay sa tunay na pagkasararo.

Colosas 4:3

Ipamibi man nindo kami tanganing itao samo nin Dios an marahay na oportunidad na ikahulit an saiyang mensahe dapit sa misteryo ni Cristo, na iyo an dahelan kan pagkabilanggo ko ngunyan.

Colosas 4:8

Kaya sinusugo ko siya diyan saindo, tanganing baretaan kamo dapit samo saka pakosogon an saindong boot.

1 Tesalonica 1:5

Huli ta dinara mi saindo an Marahay na Bareta, bako sanang sa paagi kan mga tataramon, kundi man sa kapangyarihan asin sa Espiritu Santo, kaiba an pagsarig na iyan totoo. Aram nindo an samong pamumuhay kan kami kaiba pa nindo; ginibo mi iyan sa ikakarahay nindo.

1 Tesalonica 3:2

asin sinugo mi saindo si Timoteo, na satong tugang saka sorogoon nin Dios, sa paghulit kan Marahay na Bareta dapit ki Cristo. Sinugo mi siya saindo sa pagpakosog kan saindong pagtubod saka sa pagsadol saindo

1 Tesalonica 5:14

Sinasadol mi kamo, mga tugang, na patanidan nindo an mga hugakon, pakosogon an mga maluya an boot, tabangan an mga maluya, saka magin matinios kamo sa gabos.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Hebreyo 6:11

Minamawot nyamo na ipadagos kan lambang saro saindo an dati niyang pagmaigot sagkod sa kataposan, tanganing makamtan nindo an mga bagay na saindong pinaglalaom.

2 Pedro 1:10

Kaya, mga tugang, orog na magmahigos kamo sa pagpatotoo na talagang inapod saka pinili kamo nin Dios. Kun gibohon nindo ini dai kamo mahuhulog sa kasalan.

2 Pedro 1:3

Huli kan saiyang Diosnon na kapangyarihan, tinawan kita nin Dios kan gabos tang kaipuhan tanganing mamuhay na banal sa paagi kan satong pakamidbid ki Jesus, na iyo an nag-apod sato na makihiras sa saiyang kamurawayan asin karahayan.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.

1 Juan 3:19

Sa paaging ini maaraman ta na kita nasa katotoohan, asin pinapasarig ta an satong puso sa atubang nin Dios,

1 Juan 5:7

An Espiritu an nagpatotoo kaini, huli ta an Espiritu iyo an katotoohan.