Colosas 2:18 - Marahay na Bareta Biblia

¹⁸ Dai magtugot na kondenaron kamo nin siisay man na nagsasabing mas halangkaw siya, huli ta nagkaigwa siya nin espesyal na bisyon, saka nagsasagin-sagin na mapakumbaba asin nagsasamba sa mga anghel. An siring na tawo, maski mayo nin dahelan, pano nin pagpapahalaga sa sadiri man sana asin pano nin kaisipan na kinabanon.

Colosas 2:18 ပူးပေါင်းရင်းမြစ်များ

Genesis 3:13

Hinapot nin Kagurangnan Dios an babae, “Tano ta ginibo mo ini?” Nagsimbag an babae, “Dinaya ako kan halas kaya nagkakan ako.”

An Libro ni Job 38:2

“Siisay ka, ika na mayong naaaraman, na maghapot dapit sa sakong kadonongan?

Isaias 57:9

Minalahid kamo nin mga pahamot saka minaduman sa dios-dios na si Molek tanganing magsamba saiya. Minapadara kamo nin mga sugo sa mga harayong lugar sa paghanap nin mga dios-dios na masasamba; sagkod sa kinaban kan mga gadan, pinapaduman nindo sinda.

Ezekiel 13:3

Ini an tataramon kan Kagurangnan Dios, “Herak man sa mga lolong na propeta na nagsusunod kan sadiri nindang espiritu asin nag-iimbento kan sadiri nindang mga bisyon.

Daniel 11:38

Mayo siya nin oomawon kundi an dios na nag-aataman kan mga bantayan. Madolot siya digdi nin mga bulawan, plata, alahas, asin mamahalon na regalo; dodolotan niya an sarong dios na dai nanggad sinamba kan saiyang mga ginikanan.

Mga Bilang 25:18

huli kan ginibo nindang karatan kan dayaon ninda kamo sa Peor, asin huli sa tugang nindang si Cozbi, na nagadan kan panahon nin peste sa Peor.”

Mateo 24:24

Huli ta madatong an mga bakong tunay na Cristo asin an mga bakong tunay na propeta. Magibo sinda nin mga darakulang tanda saka mga ngangalasan tanganing mapatubod ninda an mga tawo, kun posible sagkod an mga tawong pinili nin Dios.

Roma 1:25

Tinalikodan ninda an katotoohan manongod sa Dios dangan nagtubod sinda sa kaputikan. Sinamba ninda saka pinaglingkodan an linalang, bako an Kaglalang na iyo an dapat omawon sagkod pa man! Amen.

Roma 16:18

An mga siring na tawo bakong sa satong Kagurangnan naglilingkod, kundi nagpaparaisip sana kan saindang tulak. Dinadaya ninda an mga tawong inosente, sa paagi kan saindang magayon asin marahay pagdangogon na mga tataramon.

1 Corinto 13:4

An pagkamoot matinios saka maboot, bakong maimon o hambogon o mapaabaw-abaw;

1 Corinto 3:3

huli ta mga tawong kinabanon pa kamo. Igwa kamo nin ororihan saka iriwal asin nagpapatotoo iyan na kamo mga kinabanon pang tawo na namumuhay sosog sa laman.

1 Corinto 4:18

An iba saindo nagin mapalangkaw sa paghona na dai ako madalaw saindo.

1 Corinto 4:6

Mga tugang, kami ni Apolos an ginamit kong halimbawa para sa sadiri nindong karahayan, tanganing manodan nindo an kahulogan kan kasabihan, “Kuyogon nindo an maninigong pagsusundon;” tanganing dai nindo ipag-orgulyo an saro katawo sa ikakaraot kan iba.

1 Corinto 8:1

Ngunyan dapit sa mga kakanon na idinolot sa mga dios-dios. Siring sa sinasabi ninda, “Kita gabos igwa nin pakaaram,” totoo man nanggad iyan. An siring na pakaaram nakakapaabaw-abaw sa tawo, alagad an pagkamoot nakakapatalubo.

1 Corinto 9:24

Aram man sana nindo na sa karera, dakul an minadalagan, alagad saro sana an nakakakua kan premyo. Kaya dumalagan kamo nin maigot tanganing makua an premyo.

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

2 Corinto 12:20

Natatakot ako na pag-abot ko diyan, iba kamo sa linalaom kong mahiling; ako man iba sa linalaom nindong mahiling. Natatakot ako na tibaad an maabotan ko mga iriwal, ororihan, aranggotan, irimotan, rilibakan, pakaraot, kapaabaw-abawan saka kariribokan.

Efeso 4:17

Sa ngaran nin Kagurangnan, sinasabihan ko kamo: dai na kamo mamuhay arog kan mga pagano na an mga iniisip mayo nin halaga;

Efeso 5:6

Dai kamo magpadaya sa kiisay man na nagsasabi kan mga bagay na mayo nin kahulogan; an mga bagay na iyan an dahelan kan pag-abot kan kaanggotan nin Dios sa mga dai nagkukuyog saiya.

Deuteronomio 29:29

“May mga bagay na pinagmarahay nin Kagurangnan na satong Dios na magin hilom, alagad ipinahayag niya an saiyang Togon tanganing kuyogon nyato asin kan satong mga kapagarakian sagkod lamang.

Filipos 3:14

Kaya nagdadalagan ako pasiring sa kataposan tanganing makamtan ko an premyo kan pag-apod sako nin Dios pasiring sa buhay na mayong kataposan duman sa langit, sa paagi ni Cristo Jesus.

Colosas 2:23

Kun paghilingon garo may kadonongan an mga pagsusundon na ini huli kan pirit na pagsamba sa mga anghel, kan sagin-sagin na kapakumbabaan saka pagpasakit sa hawak; alagad mayong halaga iyan sa pagpugol kan mga kamawotan kan laman.

Colosas 2:4

Sinasabihan ko kamo kaini tanganing mayo nin makadaya saindo sa paagi nin mga putik na tataramon.

Colosas 2:8

Mag-ingat kamo tanganing dai kamo magin biktima nin siisay man sa paagi nin pilosopia asin kaputikan, sosog sa mga tradisyon nin tawo saka sa mga nagsasakop na espiritu kan kinaban, asin bakong sosog sa katukdoan ni Cristo.

1 Timoteo 1:7

Boot nindang magin paratukdo kan katogonan nin Dios, alagad dai ninda nasasabotan an sainda mismong itinataram o an mga bagay na itinutukdo ninda.

1 Timoteo 4:1

Maliwanag an sinasabi kan Espiritu na sa mga huring panahon may mga tawo na mabaya sa pagtubod, asin masunod sa mga madayang espiritu saka mga katukdoan nin mga demonyo.

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!

1 Juan 2:26

Isinusurat ko ini saindo dapit sa mga tawong boot magdaya saindo.

Kapahayagan 12:9

Itinapok an dakulang dragon—an kasuanoy na halas na nginaranan Diablo o Satanas—an paradaya kan bilog na kinaban. Ihinulog siya sa daga, kaiba an gabos niyang mga anghel.

Kapahayagan 13:14

Kaya nadaya niya an gabos na tawo sa daga huli kan mga ngangalasan na itinugot na gibohon niya sa atubang kan enot na hayop. Pinagbotan niya an mga tawo sa kinaban na maggibo nin sarong ladawan bilang pag-omaw sa hayop na nalugadan sa espada alagad buhay pa.

Kapahayagan 13:8

Sasambahon an hayop na iyan kan gabos na tawo sa daga, pwera kan mga tawo na an ngaran nasusurat, bago pa lalangon an kinaban, sa libro nin buhay na sadiri kan Kordero na ginadan.

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.

Kapahayagan 3:11

Madali na akong mag-abot. Ingatan mo an nasa saimo, tanganing mayo nin siisay man na makaagaw kan saimong korona.