Colosas 2:16 - Marahay na Bareta Biblia

¹⁶ Kaya dai nindo pagtugotan an siisay man na hukoman kamo dapit sa saindong kinakakan o iniinom, o dapit sa mga pyesta, o pagselebrar kan bagong bulan, o kan Sabbath.

Colosas 2:16 ပူးပေါင်းရင်းမြစ်များ

2 Mga Hade 4:23

“Tadaw ta kaipuhan magduman ka ngunyan?” an hapot kan saiyang agom. “Bako man Sabbath o Pyesta kan Bagong Bulan.” “Bayae sana,” an simbag kan babae.

1 Mga Cronica 23:31

siring man kun igwang mga dolot na tinutong na atang sa Kagurangnan kun mga Sabbath, mga Bagong Bulan saka mga aldaw nin pyesta, sosog sa talaan na bilang kan mga Levita na hinahagad kan lambang gawe nin pagsamba sa Kagurangnan sa gabos na panahon.

2 Mga Cronica 31:3

Hale sa mga hayop na pagsadiri kan hade, nagtao siya nin mga hayop na tututongon sa aldaw saka sa banggi, sa aldaw nin Sabbath, sa Pyesta nin Bagong Bulan, asin sa iba pang pyesta na hinahagad kan Katogonan nin Kagurangnan.

Nehemias 10:31

Kun an mga dayuhan magdara nin trigo o anoman na ipapabakal sa aldaw nin Sabbath o sa arin man na banal na aldaw, dai kami mabakal sainda. Sa lambang ikapitong taon, dai mi tatanoman an samong mga oma, asin paparaon mi an gabos na utang samo.

Nehemias 10:33

Para sa pagsamba sa Templo, matao kami kan mga minasunod: kan sagradong tinapay, kan dolot na pagkakan sa aroaldaw, kan mga hayop na tututongon sa aroaldaw, kan mga banal na dolot para sa aldaw na Sabbath, Pyesta kan Bagong Bulan, asin iba pang mga pyesta, kan iba pang banal na mga atang, kan mga dolot para sa kapatawadan kan mga kasalan nin Israel, asin iba pang mga kaipuhan sa Templo.

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Salmo 42:4

Ini gabos nagigiromdoman ko kun binubuksan ko an sakuyang puso, kan pinapangenotan ko an kadaklan, pasiring sa harong nin Dios, mantang maogmang nagkukurahaw saka nag-aawit nin pasasalamat— sarong katiriponan na nagseselebrar sa dakulang kaogmahan.

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Isaias 1:13

Dai na kamo magdara nin mga dolot; nakakauyam para sako an insenso. An saimong mga pyesta: an bagong Bulan, an Sabbath, asin an banal mong mga pagtiripon— gabos iyan nadigtaan kan saimong mga kasalan.

Ezekiel 4:14

Alagad nagsimbag ako, “Kagurangnan Dios, dai ko pa lamang dinigtaan an sakong sadiri. Magpoon kan ako aki pa, dai pa lamang ako nagkakan nin karne nin hayop na nagadan sa natural na paagi o nin hayop na ginadan nin lalaw na hayop. Dai pa ako nagkakan nin anoman na ibinibilang na maati.”

Ezekiel 45:17

Katongdan kan prinsipe na pagtao kan mga hayop na tututongon, kan mga dolot na pagkakan, saka kan dolot na inomon para sa bilog na nasyon nin Israel sa mga Pyesta kan Bagong Bulan, sa mga Sabbath, asin sa iba pang talaan na mga pyesta. Siya an matao kan mga dolot para sa kasalan, mga dolot na pagkakan, mga tinutong na atang saka an mga atang para sa katoninongan, tanganing mabayadan an mga kasalan kan banwaan nin Israel.”

Levitico 16:31

An aldaw na iyan sarong sabbath para sainda; aldaw iyan nin pag-ayuno asin pagpahingalo. An mga pagsusundon na ini kaipuhan na kuyogon sa gabos na panahon.

Amos 8:5

Nagsasaboot kamo, “Dai mi na mahahalat na matapos pa an mga banal na aldaw tanganing ipabakal an samong trigo. Nuarin kaya matatapos an Sabbath tanganing makatinda na kami? Dangan, lalangkawan mi an presyo kan samong paninda, magamit kami nin may dayang sukol saka dadayaon mi sa timbang an mga parabakal.

Mga Bilang 10:10

Siring man sa aldaw nin kaogmahan, sa itinalaan na mga pyesta asin sa enot na aldaw kan lambang bulan, papatanogon nindo an mga trompeta kun idodolot na nindo an saindong mga tinutong na atang asin an saindong dolot para sa katoninongan. Dangan tatabangan ko kamo. Ako an Kagurangnan na saindong Dios.”

Mateo 15:11

bakong an minalaog sa ngoso nin tawo an nakakapaati saiya kundi an minaluwas diyan.”

Markos 7:19

huli ta iyan dai minalaog sa saiyang puso kundi sa tulak, pakatapos minaluwas sana.” (Sinabi ini ni Jesus sa pagpahayag na an gabos na kakanon malinig.)

Mga Gibo 15:20

Tama na an pagsurat sainda na dai magkakan nin kakanon na idinolot sa mga dios-dios, na dai magdorog sa bako ninda agom, asin dai magkakan kan karne nin tinook na hayop o kan dugo.

Roma 14:10

Kaya ika, na gulay sana an kinakakan, tadaw ta hinuhukoman mo an saimong tugang? Ika man na daing pinipiling kakanon, tadaw ta pinag-oolog-olog mo an saimong tugang? Kita gabos maatubang sa Dios tanganing hukoman niya.

Galacia 4:10

Tinatawan pa giraray nindo nin halaga an ibang mga aldaw, mga bulan, mga panahon, saka mga taon.

Colosas 2:20

Nagadan na kamo kaiba ni Cristo asin ilinigtas sa mga espiritu na nagsasakop kan kahiwasan. Tadaw ta namumuhay pa kamo na garo mga taga kinaban? Tadaw ta nagkukuyog kamo kan mga pagsusundon arog kan,

Hebreyo 13:9

Dai kamo magpadagka sa laen saka bakong midbid na mga katukdoan. Mas marahay na an satong mga puso mapakosog kan biyaya nin Dios, bakong sa pagkuyog kan mga pagsusundon dapit sa mga kakanon na dai lamang nakakatabang sa mga nagkukuyog kaiyan.

Hebreyo 9:10

An gibo nindang iyan manonongod sana sa kakanon, inomon, saka manlaen-laen na rito nin paglinig, na gabos sana para sa hawak asin mahalaga sana sagkod na dai pa ibinubugtak nin Dios an sarong bagong sistema.

Santiago 4:11

Mga tugang, dai kamo magpakaraot sa kapwa. An siisay man na magpakaraot o maghukom sa kapwa niya, nagtataram tumang sa Katogonan asin naghuhukom kaiyan. Kun hinuhukoman mo an Katogonan, dai ka nagsusunod kaiyan, kundi ika na an naghuhukom kaiyan.

1 Samuel 20:18

Dangan sinabihan niya si David, “Pyesta kan Gimata nin Bulan sa aga; hahanapon ka huli ta mayo ka sa tukawan mo.

1 Samuel 20:5

Nagsimbag si David, “Pyesta kan Gimata nin Bulan sa aga asin dapat kaiba ako kan hade sa pagkakan. Alagad kun itutugot mo, malakaw ako asin matago sa kaomahan sagkod na magbanggi kan ikatolong aldaw.