Colosas 2:14 - Marahay na Bareta Biblia

¹⁴ Pinara niya sa listahan an satong mga utang, sagkod an mga pagsusundon na kaiba kaiyan; hinale an gabos na iyan sa paagi kan pagpako kaiyan sa krus.

Colosas 2:14 ပူးပေါင်းရင်းမြစ်များ

Nehemias 4:5

Hare pagpatawada an saindang gibong maraot asin hare paglingawe an saindang mga kasalan, huli ta ininsulto ninda kami na nagtutugdok.”

Esther 3:12

Kaya kan ikatreseng aldaw kan enot na bulan, ipinaapod an mga sekretaryo kan hade. Isinurat kan mga ini an gabos na pagboot ni Haman para sa mga pamayo saka mga gobernador kan mga probinsya asin para sa mga opisyal sosog sa paagi nin pagsurat kan lambang probinsya asin sosog sa lengwahe kan lambang tawo. Ginibo an surat sa ngaran ni Hadeng Jerjes asin sinelyohan kan singsing niya.

Esther 8:8

Alagad an sarong pagboot na pinaluwas sa ngaran kan hade asin sinelyohan kan singsing kan hade dai na pwedeng bawion. Alagad pwede kamong magsurat sa mga Judio kan boot nindong mangyari. Isurat nindo iyan sa ngaran ko asin selyohan nindo kan sakong singsing.”

Salmo 51:1

Kaheraki ako, O Dios, sosog sa danay mong pagkamoot. Sosog sa dakula mong pagkaherak, paraa an sakong mga kasalan!

Salmo 51:9

Hare paghilinga an sakong mga kasalan; paraa an sakong mga kasombikalan.

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 44:22

An saimong mga kasalan pinara ko siring sa panganoron. Magbalik ka sako; ako an nagligtas saimo.”

Isaias 57:14

Nagsasabi an Kagurangnan, “Pabalika sako an sakong banwaan. Halea nindo an gabos na nakakaolang sa saindang agihan! Maggibo kamo asin mag-andam nin tinampo!

Mga Bilang 5:23

Dangan isusurat kan padi an mga maldisyon na ini sa sarong libro asin paparaon niya ini kan mapait na tubig.

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Mga Gibo 3:19

Kaya magbakle kamo asin magbalik sa Dios, tanganing patawadon niya an saindong mga kasalan, saka tawan kamo kan Kagurangnan nin kosog na espiritwal,

Colosas 2:20

Nagadan na kamo kaiba ni Cristo asin ilinigtas sa mga espiritu na nagsasakop kan kahiwasan. Tadaw ta namumuhay pa kamo na garo mga taga kinaban? Tadaw ta nagkukuyog kamo kan mga pagsusundon arog kan,

2 Tesalonica 2:7

An Tampalasan nagtatrabaho na, alagad an dapat na mangyari dai pa mangyayari sagkod na haleon an nag-oolang kaiyan.

Hebreyo 7:18

Kaya an daan na pagsusundon hinale na, huli ta iyan maluya asin mayong pakinabang;

Hebreyo 8:13

Kan magtaram an Dios dapit sa bagong tipan, ginibo niyang daan an enot na tipan; an anoman na nagdadaan asin nawawaraan nin halaga, madali nang mapara.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.