Awit nin mga Awit 8:6 - Marahay na Bareta Biblia

⁶ Giboha akong sarong tanda sa saimong puso, sarong tanda sa saimong braso; huli ta an pagkamoot siring kakosog sa kagadanan, an pag-imon makuri siring sa lulubngan. An mga kikilat kaiyan gabos kikilat nin kalayo, sarong nagkakarabang kalayo.

Awit nin mga Awit 8:6 ပူးပေါင်းရင်းမြစ်များ

1 Mga Cronica 11:18

Kaya nangahas maglaog sa kampo kan mga Filisteo an tolong makokosog na soldados, nagharok nin tubig sa bubon na nasa may trangkahan kan Betlehem, dangan dinara ki David. Alagad dai idto ininom ni David, kundi, inula bilang sarong atang sa Kagurangnan.

Salmo 120:4

Huli sa mga bosog nin sarong paralaban, huli sa mga baga na naglalaad!

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Salmo 84:2

An sakong kalag napupungaw asin naghihidaw sa mga patyo nin Kagurangnan. An sakong puso asin hawak nag-aawit sa kaogmahan sa Dios na buhay.

Exodo 28:21

Doseng bato an uukitan nindo kan mga ngaran kan mga aki ni Jacob. An lambang bato uukitan nin sarong ngaran, bilang tanda kan doseng tribu nin Israel.

Mga Talinhaga 25:22

Sa siring na paagi mapapasopog siya, asin babalosan ka kan Kagurangnan.

Mga Talinhaga 6:34

An pag-imon iyo an nakakapaanggot sa sarong agom na lalaki; mayo nin kasagkoran an saiyang pagbalos.

Awit nin mga Awit 5:8

Magsumpa kamo, mga babae nin Jerusalem, na kun manumpongan nindo an sakong namomotan, sasabihan nindo siyang nanluluya ako sa pagkamoot.

Isaias 49:16

Jerusalem, dai taka nanggad malilingawan! Isinurat ko sa sakong mga palad an saimong ngaran.

Jeremias 22:24

Tinaraman nin Kagurangnan si Hadeng Jehoiakin, na aking lalaki ni Hadeng Jehoiakim nin Juda, “Mantang ako an buhay na Dios, maski pa ika an sakong singsing na pangmarka, huhugkoton taka sa sakong muro.

Hageo 2:23

Sa aldaw na iyan, kukuahon taka, Zerubabel na sakuyang sorogoon, asin ibubugtak takang hade sa ngaran ko. Ika an napili ko.” An Kagurangnan nin mga hukbo an nagtaram.

Zacarias 3:9

Ibinubugtak ko sa atubangan ni Josue an sarong gapo na igwa nin pitong lalawogon. Uukitan ko iyan, asin sa saro sanang aldaw hahaleon ko an kasalan kan dagang ini.

Mga Bilang 25:11

“Huli kan ginibo ni Finehas, dai na ako anggot sa banwaan nin Israel. Dai siya nagtugot na pagsambahon an ibang dios kundi ako sana, kaya dai ko sinda inubos sa sakuyang kaanggotan.

Mga Gibo 20:24

Alagad para sako mayo nin halaga an buhay ko; boot ko sanang matapos an misyon na inako ko ki Jesus na Kagurangnan, na iyo an pagpahayag kan Marahay na Bareta dapit sa biyaya nin Dios.

Mga Gibo 21:13

Alagad nagsimbag siya, “Tadaw ta nagtatangis kamo asin pinapaluya nindo an boot ko? Andam ako bako sanang magpabilanggo kundi maski magpagadan sa Jerusalem dahel sa Kagurangnan na Jesus.”

Roma 12:20

Kundi sosog sa kasuratan, “Kun nagugutom an kaiwal mo, pakakana; kun napapaha, painoma. Sa paggibo mo saiya nin siring, mamumula an saiyang lalawogon sa kasopogan.”

2 Corinto 11:2

Arog sa Dios, maimon ako para saindo. Kamo garo daragang birhen na ipinanuga kong ipakasal sa saro sanang lalaki, na iyo si Cristo.

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.