Awit nin mga Awit 8:11 - Marahay na Bareta Biblia

¹¹ Igwa si Solomon nin ubasan sa lugar na inaapod Baal-hamon. Inaarkila iyan saiya kan mga paraoma; an lambang saro minabayad nin sangribong pedaso nin plata.

Awit nin mga Awit 8:11 ပူးပေါင်းရင်းမြစ်များ

Genesis 20:16

Sinabihan man niya si Sara, “Tinawan ko an tugang mo nin sangribong pedasong plata bilang patotoo sa gabos mong kairiba na ika inosente; maaaraman ninda na mayo kang kasalan.”

Parahulit 2:4

Dakulang mga bagay an nagibo ko. Nagtugdok ako para sako nin mga harong asin nagtanom nin mga ubas.

Awit nin mga Awit 1:6

Dai nindo ako pagmenoson huli ta ako maitom, huli ta pinaitom ako kan saldang nin aldaw. Naanggot sako an sakong mga tugang na lalaki asin pinatrabaho ako sa ubasan. Mayo na ako nin panahon para sa sadiri ko.

Awit nin mga Awit 2:3

Siring sa kahoy na mansanas sa tahaw kan kakahoyan sa kadlagan, an sakong namomotan sa tahaw kan ibang kalalakihan. Boot kong danay na magtukaw sa lindong kaiyan, asin mahamis sa sakong pagnamit an bunga kaiyan.

Awit nin mga Awit 7:12

Mabangon kitang amay asin maduman sa mga ubasan tanganing hilingon kun nagdadahon na an mga balagon, kun nagbubukad na an mga burak asin kun nagbuburak na an mga granada. Duman ko itatao saimo an sakong pagkamoot.

Awit nin mga Awit 8:12

An sakong ubasan, an sadiri ko, para sako sana; ika, O Solomon, saimo na an sangribong pedaso nin plata, asin kamong mga paraoma, an dos syentos bilang saindong kahirasan.

Isaias 7:23

“Pag-abot kan panahon na iyan, an lambang ubasan, na kaidto nakukuahan nin sangribong balagon nin ubas asin nagkakahalaga nin sangribong pedaso nin plata, matatambonan nin mga binit saka tonok.

Markos 12:1

Dangan nagtaram si Jesus sainda sa paagi nin mga parabola, “Igwa nin sarong tawo na nagtanom nin ubas sa saiyang ubasan, kinudal niya iyan, saka naggibo nin gilingan nin ubas. Nagtugdok pa siya nin sarong bantayan. Dangan ipinaataman niya an ubasan na ini sa mga tumatawo asin nagduman siya sa ibang lugar.