Awit nin mga Awit 7:4 - Marahay na Bareta Biblia

⁴ An saimong liog garo toreng marpil. An saimong mga mata garo mga sapa nin Hesbon, sa may trangkahan nin Bat-rabbim. An saimong dungo garo tore nin Lebanon, na minadungaw sa Damasco.

Awit nin mga Awit 7:4 ပူးပေါင်းရင်းမြစ်များ

Genesis 15:2

Alagad nagsimbag si Abram, “O Kagurangnan Dios, anong halaga kan itatao mo sakong premyo huli ta mayo akong aki, asin an sakong eredero iyo si Eliezer kan Damasco.

2 Samuel 8:6

Dangan nagpatindog si David nin mga kampo nin mga soldados sa Damasco; nagin sorogoon niya an mga Siro asin nagbuhis sinda saiya. Pinapanggana nin Kagurangnan si David saen man siya magduman.

1 Mga Hade 10:18

An Hade naggibo man nin dakulang tronong marpil na pinatos niya nin purong bulawan.

1 Mga Hade 10:22

An hade igwa nin mga barko na naglalayag sa dagat kaiba an mga barko ni Hiram. Makasaro sa lambang tolong taon minaabot an saiyang mga barko na may mga darang bulawan, plata, marpil, mga kabalang asin mga pabo.

1 Mga Hade 22:39

An iba pang ginibo ni Ahab, asin an itinugdok niyang marpil na harong saka an pinatindog niyang mga syudad, gabos nasusurat sa An Kasaysayan kan mga Hade nin Israel.

1 Mga Hade 7:2

An Sala kan Kadlagan nin Lebanon igwa nin sukol na kwarenta y kwatro metros an laba, beynte y dos metros an lakbang, asin trese metros may singkwenta sentimetros an langkaw. An salang ini igwa nin tolong raya nin mga hariging sedro asin sa lambang raya igwa nin kinseng harigi, na natutumbawan kan mga kahabaan na kahoy na sedro. Sedro man an kisame na nakakaabot sa mga sarayan na kwarto, na pinapakosog kan mga harigi.

1 Mga Hade 9:19

an mga syudad na sarayan kan saiyang mga kagamitan, an mga syudad para sa saiyang mga kabayo saka mga karwahe, sagkod an gabos na binoot niyang itugdok sa Jerusalem, sa Lebanon, patin sa gabos na dagang sakop niya.

2 Mga Cronica 8:6

dangan an syudad nin Baalat, an gabos na syudad na sarayan kan saiyang mga kagamitan, asin an mga syudad para sa saiyang mga karwahe saka mga paralunad sa kabayo. Hinaman niya an mga edipisyo na boot niyang itugdok sa Jerusalem, sa Lebanon, asin sa gabos na lugar na sakop niya.

Salmo 144:12

An samong mga aking lalaki magtalubo logod na masarig arog kan mga tinanom. An samong mga aking babae gumayon logod arog kan mga harigi, na samno sa mga kanto nin sarong palasyo.

Salmo 45:8

An saimong mga gubing namamarong nin mira, aloe asin kasia; rinaranga ka kan mga musiko sa mga palasyong marpil.

Awit nin mga Awit 1:10

Magayon an saimong buhok sa ibabaw kan saimong pisngi, asin minalaylay sa saimong liog arog sa mga samno.

Awit nin mga Awit 4:1

Magayon ka nin marahay, sakong namomotan! Sa pagkamoot, nagkikinang nin marahay an saimong mga mata sa likod kan saimong belo. Nagsasayaw an saimong buhok arog sa mga kanding na naglulukso paibaba kan mga bulod nin Gilead.

Awit nin mga Awit 4:4

An saimong liog arog sa tore ni David, bilog asin malinig, na nabibitayan nin sangribong saradit na kalasag, gabos kalasag nin maiisog.

Awit nin mga Awit 4:5

An saimong daghan garo mga usa, kambal na usa na nagsasabsab sa tahaw nin mga lirio.

Awit nin mga Awit 6:5

Dai mo ipagturuhok sako an mga mata mo, huli ta binibihag ninda ako. An saimong buhok arog sa sarong ariponpon nin mga kanding na nagdadalagan paibaba sa bulod nin Gilead.

Isaias 54:4

Dai ka matakot—dai ka na masosopgan giraray; dai ka na mawawaraan nin onra. Malilingawan mo nang dai ka nagin maimbod sa agom kan ika hoben pa. Malilingawan mo an makuring kapongawan bilang sarong balo.

Hebreyo 5:14

An matagas na kakanon para sa mga nasa tama nang edad, na nakanood nang magmidbid kan marahay o maraot.