Awit nin mga Awit 6:9 - Marahay na Bareta Biblia

⁹ Alagad saro sana an sakong namomotan, asin siring sa salampati an saiyang kagayonan. Siya sana an aking babae kan saiyang ina, an padangat na aki kan saiyang ina. Nahiling siya kan mga daraga asin inapod siyang paladan; an mga reyna saka mga kasaroan nag-awit saiya nin mga pag-omaw.

Awit nin mga Awit 6:9 ပူးပေါင်းရင်းမြစ်များ

Genesis 30:13

Nagsabi si Lea, “Maogma ako! Poon ngunyan, aapodon akong maogma kan kababaehan,” kaya an aki nginaranan niyang Aser.

1 Mga Hade 11:3

Igwa si Solomon nin syete syentos na agom na mga prinsesa, asin tres syentos na kasaroan; pinaharayo ninda sa Dios an puso ni Solomon.

Salmo 126:2

Dangan napano kita nin kaogmahan, nag-awit sa kagayagayahan. Dangan nagsabi an ibang nasyon manongod sato, “Dakulang mga bagay an ginibo sainda nin Kagurangnan.”

Salmo 45:9

Mga aking daraga nin mga hade kabilang sa mga ginagalangan na babae sa saimong palasyo; nakatindog sa too mo an reyna, pinakamarahay na bulawan an sulot niya.

Awit nin mga Awit 2:14

Nakakaagid ka sa salampating nagtatago sa gutak nin sarong gapo. Pahilingan sako an magayon mong lalawogon asin padangogan sako an nakakabihag mong tingog.

Awit nin mga Awit 5:2

Maski nagtotorog ako, mata an sakong puso. Nangatorogan akong nagtoktok sa pintoan an sakong namomotan. Palaoga ako, sakong namomotan, sakong pagkamoot, sakong salampati. Dumog an sakong payo kan ambon, asin an sakong buhok kan tonog nin kabanggihon.

Mga Bilang 23:9

Nahihiling ko sinda hale sa alitoktok nin mga kabukidan; Binabantayan ko sinda hale sa kabubuldan. Sinda sarong nasyon na solo-solong namumuhay; Nakakasabot na mas paladan sinda ki sa ibang nasyon.

Galacia 4:26

Alagad an langitnon na Jerusalem talingkas asin iyan an satong ina.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

2 Tesalonica 1:10

Mangyayari iyan sa Aldaw na an Kagurangnan pamurawayon kan saiyang mga banal, asin omawon kan gabos na nagtutubod. Kamo man makakaiba ninda, huli ta nagtubod kamo kan mensaheng dinara mi saindo.