Awit nin mga Awit 6:13 - Marahay na Bareta Biblia

¹³ Magsayaw ka, magsayaw ka, o Sulamita, huli ta hihilingon mi ika. Tadaw ta boot nindong pagmasidan ako mantang nagsasayaw sa tahaw nin duwang hukbo?

Awit nin mga Awit 6:13 ပူးပေါင်းရင်းမြစ်များ

Genesis 32:2

Kan mahiling niya sinda, nagsaboot siya, “Kampo ini nin Dios!” Kaya an lugar inapod niyang Mahanaim.

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

2 Samuel 17:24

Nakaabot na si David sa banwa nin Mahanaim kan makabalyo sa Jordan si Absalom asin an mga Israelita. (

Salmo 76:2

An saiyang harong yaon sa Jerusalem, nag-eerok siya sa Bukid nin Sion.

Awit nin mga Awit 1:6

Dai nindo ako pagmenoson huli ta ako maitom, huli ta pinaitom ako kan saldang nin aldaw. Naanggot sako an sakong mga tugang na lalaki asin pinatrabaho ako sa ubasan. Mayo na ako nin panahon para sa sadiri ko.

Awit nin mga Awit 2:14

Nakakaagid ka sa salampating nagtatago sa gutak nin sarong gapo. Pahilingan sako an magayon mong lalawogon asin padangogan sako an nakakabihag mong tingog.

Awit nin mga Awit 6:12

Nagtatakig ako; huli saimo, minamawot ko an pagkamoot siring na an parapadalagan nin karwahe nagmamawot nin ralaban.

Isaias 8:6

“Huli ta an mga tawong ini habo kan matoninong na katubigan hale sa burabod nin Siloa, asin nagtatakig sa atubang ni Hadeng Rezin saka ni Hadeng Peka,

Jeremias 3:22

Magbalik kamo gabos na nagtalikod sa Kagurangnan; bobolongon niya kamo saka gigibohon na mga maimbod. Nagsasabi kamo, “Madolok kami sa Kagurangnan, huli ta siya an samong Dios.

Lukas 15:10

Siring man sinasabihan ko kamo, na an mga anghel nin Dios nag-oogma huli sa sarong parakasala na nagsosolsol.”

Lukas 7:44

Dangan kinilingan niya an babae saka sinabihan si Simon, “Nahihiling mo an babaeng ini? Nagdigdi ako sa harong mo alagad dai mo man lamang ako tinawan nin tubig na panghanaw sa mga bitis ko. Alagad hinugasan niya iyan kan saiyang luha saka pinahidan kan saiyang buhok.

Juan 10:16

Igwa akong ibang mga karnero na mayo sa toril na ini. Kaipuhan na ilaog ko man sinda; madangog sinda sa tingog ko. Kaya magigin saro an ariponpon asin saro an pastor.

Juan 9:7

Nagsabi siya sa buta, “Dumuman ka sa tangke nin tubig sa Siloe, dangan maglabar ka duman.” (An boot sabihon kan Siloe, “Sinugo.”) Ginibo ini kan lalaki, asin pagbalik niya nakakahiling na siya.

Roma 3:29

Ano an Dios, Dios sana kan mga Judio? Bakong Dios man siya kan mga pagano? Iyo baga.

Roma 7:23

Alagad nahihiling ko sa sakong hawak na may ibang katogonan na minasalungat sa katogonan na nasa boot ko. Huli kaiyan, nagigin akong bilanggo sa katogonan nin kasalan na nag-eerok sa hawak ko.

Galacia 5:17

Huli ta an mga kamawotan kan laman tumang sa Espiritu; an mga kamawotan kan Espiritu tumang sa laman. Magkasarungat an duwang ini. Kaya dai ta masusunod an boot tang gibohon.

2 Tesalonica 1:10

Mangyayari iyan sa Aldaw na an Kagurangnan pamurawayon kan saiyang mga banal, asin omawon kan gabos na nagtutubod. Kamo man makakaiba ninda, huli ta nagtubod kamo kan mensaheng dinara mi saindo.

Hebreyo 7:2

Tinawan siya ni Abraham nin himoloan kan gabos niyang nakua sa pakilaban. (An enot na kahulogan kan ngaran na Melkisedek, “Hade nin Katanosan”; asin huli ta hade siya kan Salem, an ikaduwang kahulogan kan ngaran niya, “Hade nin Katoninongan.”)

Hukom 21:21

asin magmasid. Pagluwas kan mga daraga nin Shilo tanganing magsayaw sa pyesta, magluwas man kamo hale sa ubasan. Dangan mandakop nin agom an lambang saro saindo asin ipag-iba nindo sinda sa teritoryo ni Benjamin.