Awit nin mga Awit 6:11 - Marahay na Bareta Biblia

¹¹ Nagduman ako sa tatamnan nin mga kahoy na almendras tanganing hilingon an sadit na mga tinanom sa kapantayan, tanganing hilingon kun nagdahon na an mga balagon asin kun namurak na an mga granada.

Awit nin mga Awit 6:11 ပူးပေါင်းရင်းမြစ်များ

Genesis 2:9

Pinatalubo niya duman an manlaen-laen na kahoy na magayon paghilingon asin nagtatao nin masiram na bunga. Sa tahaw kan tatamnan idtoon an kahoy na nagtatao nin buhay, saka an kahoy na nagtatao nin pakaaram kan marahay asin kan maraot.

Genesis 40:10

na igwa nin tolong sanga. Kan magdahon an mga sanga, namurak tolos ini dangan naghirinog an mga ubas.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Awit nin mga Awit 6:12

Nagtatakig ako; huli saimo, minamawot ko an pagkamoot siring na an parapadalagan nin karwahe nagmamawot nin ralaban.

Awit nin mga Awit 6:2

Nagduman sa saiyang tatamnan an sakong namomotan, sa tatamnan nin mga pahamot, tanganing pasabsabon sa tatamnan an saiyang mga hayop, asin tanganing magkua nin mga lirio.

Awit nin mga Awit 7:12

Mabangon kitang amay asin maduman sa mga ubasan tanganing hilingon kun nagdadahon na an mga balagon, kun nagbubukad na an mga burak asin kun nagbuburak na an mga granada. Duman ko itatao saimo an sakong pagkamoot.

Awit nin mga Awit 7:13

Mapaparong mo an hamot kan mga mandragora, asin an gabos na piling bunga yaon sa may pintoan nyato. O namomotan, tinagamahan taka kan gabos na piling bunga, an daan saka an bago.

Markos 11:13

Natanawan niya sa enotan an sarong madahon na kahoy na higera. Hiniling niya kun may bunga, alagad poro dahon sana ta bako pang tigbungahan.

Lukas 13:7

Kaya sinabihan niya an namamahala kan saiyang ubasan, ‘Tolong taon na akong nagpaparabalik-balik sa paghanap nin bunga sa kahoy na ini, alagad mayo akong nakukua. Paloda iyan! Sayang kan dagang natatanoman kaiyan!’

Juan 15:16

Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan. Huli kaini, itatao saindo kan Ama an anoman na hagadon nindo saiya sa ngaran ko.

Mga Gibo 15:36

Pakalihis nin nagkapirang aldaw, sinabihan ni Pablo si Bernabe, “Madya asin dalawon ta an mga tugang sa mga syudad na pinaghulitan ta kan tataramon nin Kagurangnan; hilingon ta kun ano na an kamugtakan ninda.”