Awit nin mga Awit 6:10 - Marahay na Bareta Biblia

¹⁰ Siisay ini na kun minahiling arog sa kaagahon? Magayon siya siring sa bulan, maliwanag siring sa aldaw.

Awit nin mga Awit 6:10 ပူးပေါင်းရင်းမြစ်များ

2 Samuel 23:4

nagbabanaag siring sa liwanag nin kaagahon, siring sa aldaw na nagliliwanag sa sarong mayong dampog na kaagahon, siring sa uran na nakakapatalubo kan doot sa daga.”

An Libro ni Job 11:17

An saimong buhay orog pang magigin maliwanag ki sa kaodtohan; an kadikloman kaiyan magigin arog sa kaagahon.

An Libro ni Job 31:26

kun nagsamba ako sa aldaw kan iyan nagsirang, o sa bulan na naghihiro sa kagayonan,

Salmo 14:5

Alagad sinda gabos magkakatarakot, huli ta kaibahan nin Dios an mga matanos.

Mga Talinhaga 4:18

Alagad an dalan kan matanos arog kan liwanag nin kaagahon, na minaorog mantang nag-iitaas an aldaw.

Awit nin mga Awit 1:15

Magayon ka nin marahay, sakong namomotan; sa pagkamoot, an saimong mga mata nagkikinang!

Awit nin mga Awit 3:6

Ano ining nagdadangadang hale sa kalangtadan na arog sa sarong hariging aso, na namamarong nin insenso asin mira, an insensong ipinapabakal kan mga negosyante?

Awit nin mga Awit 6:4

Magayon ka siring sa Jerusalem, sakong namomotan magayon siring sa syudad nin Tirsa, makangirhat siring sa sarong hukbo na igwang mga bandera.

Awit nin mga Awit 8:5

Siisay ining nagdadangadang hale sa kalangtadan, na nakasandig sa saiyang namomotan? Sa irarom nin kahoy na mansanas pinukaw taka, sa lugar na namundagan mo.

Isaias 58:8

“Dangan maliwanag sa saindo siring sa liwanag kan aldaw pagkaaga an sakong pagkawili, asin madaling mararahay an saindong mga lugad. Danay ko kamong iibahan tanganing iligtas kamo; an sakong presensya an mag-iingat saindo sa gabos na pag-alaman.

Isaias 63:1

“Siisay ining nagdadangadang hale sa syudad nin Bozra sa Edom? Siisay ining nakasulot nin magayon na gubing na pula na nagmamartsa na may kapangyarihan saka kakosogan?” Siya an Kagurangnan, an mapangyari sa pagligtas, na nagdadangadang sa pagpahayag kan saiyang kapangganahan.

Oseas 6:5

Iyan an dahelan kun tadaw ta sinugo ko an sakong mga propeta sa saindo dara an sakong mensahe nin paghukom saka pagrumpag. Maliwanag asin malinaw an mawot ko saindo:

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Mateo 13:43

Dangan magliliwanag siring sa aldaw an mga matanos sa Kahadean kan saindang Ama. An may talinga, magdangog!

Mateo 17:2

Kan idtoon na sinda, nahiling nindang naliwat si Jesus; nagliwanag siring sa aldaw an lalawogon niya, asin nagkintab sa kaputian an saiyang gubing.

Roma 8:37

Dai! An gabos na ini madadaog ta huli ki Cristo, na namoot sato!

Efeso 5:27

Ginibo niya ini nganing iatubang niya sa sadiri niya an simbahan na magayon, banal, mayo nin kaninan, mayong digta o kurundot o anoman na arog kaiyan.

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 10:1

Dangan nahiling ko an saro pang mapangyaring anghel na naghihilig hale sa langit. Napapatos siya nin panganoron, asin may bulalangaw sa palibot kan saiyang payo. An lalawogon niya nagliliwanag arog kan aldaw saka an mga tabay niya garo mga hariging kalayo.

Kapahayagan 12:1

Dangan nagtunga an sarong dakulang tanda sa langit: sarong babae na nakagubing nin aldaw, nakatungtong sa bulan asin nakokoronahan nin doseng bitoon.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.

Kapahayagan 22:16

“Ako, si Jesus, an nagsugo kan sakong anghel na magpahayag kan mga bagay na ini saindo sa mga simbahan. Gikan ako sa pamilya ni David; ako an maliwanag na bitoon na makaaga.”

Kapahayagan 22:5

Mayo na nin banggi, kaya dai na sinda mangangaipo nin ilaw o liwanag kan aldaw, huli ta an Kagurangnan na Dios iyo an magigin ilaw ninda, asin maghahade sinda sagkod pa man.