Awit nin mga Awit 6:1 - Marahay na Bareta Biblia

¹ O pinakamagayon sa mga babae, saen nagduman an saimong namomotan? Tarami kami kun arin na dalan an saiyang inagihan, tanganing sa paghanap, ika samong matabangan.

Awit nin mga Awit 6:1 ပူးပေါင်းရင်းမြစ်များ

Awit nin mga Awit 1:4

Ibahan ako, asin madulag kita; ika an sakong magigin hade asin daraha ako sa saimong kwarto. Magigin maogma kitang duwa, mainom nin dakul, asin mag-oogma sa satong pagkamoot. Kaya bakong makangangalas na namomotan ka kan gabos na babae!

Awit nin mga Awit 1:8

Kun dai mo aram an lugar, pinakamagayon sa mga babae, lakaw asin sunoda an gira kan mga hayop; maghanap ka nin masasabsaban para sa saimong mga kanding harani sa mga tolda kan mga pastor.

Awit nin mga Awit 2:2

Siring sa sarong lirio sa tahaw kan katonokan, an sakong namomotan sa tahaw kan kababaehan.

Awit nin mga Awit 5:6

Binukasan ko an pintoan para sa sakong namomotan, alagad mayo na siya duman. Mawot ko nanggad na madangog an saiyang tingog! Hinanap ko siya, alagad dai ko nanumpongan; inapod ko siya, alagad mayo akong nadangog na simbag.

Awit nin mga Awit 5:9

O pinakamagayon sa mga babae, may kalaenan daw an saimong namomotan sa ibang lalaki? Ano an makangangalas dapit saiya tanganing magsumpa kami saimo?

Awit nin mga Awit 6:4

Magayon ka siring sa Jerusalem, sakong namomotan magayon siring sa syudad nin Tirsa, makangirhat siring sa sarong hukbo na igwang mga bandera.

Isaias 2:5

Ngunyan, kapagarakian ni Jacob, madya, maglakaw kita sa liwanag nin Kagurangnan!

Jeremias 14:8

Ika sana an paglaom nin Israel; ika an nagliligtas samo sa panahon nin kasakitan. Tadaw ta arog ka sa sarong dayuhan sa samong daga, arog sa sarong parabaklay na nakikitorog sana sa laog nin sarong banggi?

Ruth 2:12

Balosan ka logod nin Kagurangnan huli kan saimong ginibo. Magkaigwa ka logod kan maninigong kabayadan hale sa Kagurangnan, an Dios kan Israel, na dinolok mo tanganing magpaataman.”